Sunday, November 27, 2022
HomeKnowledgeကိုယ်အလေးချိန်များသူများဦးနှောက်ပျက်စီးမှုနှင့်အယ်လ်ဇိုင်းမားရောဂါဖြစ်နိုင်ခြေများပြား

ကိုယ်အလေးချိန်များသူများဦးနှောက်ပျက်စီးမှုနှင့်အယ်လ်ဇိုင်းမားရောဂါဖြစ်နိုင်ခြေများပြား

BMI (Body Mass Index)အရကိုယ်အလေးချိန်မြင့်တက်သူတွေဟာသိမြင်နိုင်မှုစွမ်းရည်ကျဆင်းပြီးရူး သွပ်နိုင်ခြေများပြားတယ်လို့သုတေသနလေ့လာချက်များအရသိရပါတယ်။

ကျန်းမာတဲ့ကိုယ်အလေးချိန်ကိုထိန်းသိမ်းထားဖို့လုံလောက်တဲ့အကြောင်းအရင်းကတော့အဝလွန်ခြင်းနဲ့ နှလုံးကြောင့်ဖြစ်တဲ့ကင်ဆာအမျိုးမျိုး၊ သေစေနိုင်တဲ့နာတာရှည်ရောဂါများဖြစ်ပွားခြင်းတို့နဲ့ ဆက်စပ်နေကြောင်းတွေ့ရပါတယ်။အခုထပ်မံပြီး ရူးသွပ်နိုင်ခြေများပြားတယ်ဆိုတာကိုလည်း ကျွမ်းကျင်ပညာရှင်တွေက သတိပေးလိုက်ပါတယ်။

BMIအရ ကိုယ်အလေးချိန်များပြားခြင်းကြောင့် အသက်အရွယ်ကြီးတဲ့အခါ သိမြင်နိုင်မှုစွမ်းရည်တွေကျဆင်းနိုင်တယ်လို့ အသစ်တွေ့ရှိထားတဲ့သုတေသနတွေမှာအကြံပြုတင်ပြထားပါတယ်။ဒီလိုကိုယ်အလေးချိန်မြင့်တက်ခြင်းဟာဦးနှောက်ရောင်ခြင်းကိုဖြစ်ပွားစေပါတယ်။ဦးနှောက်ရောင်ခြင်းကြောင့် ဦးနှောက်ရဲ့လုပ်ငန်းစဉ်တွေကိုထိခိုက်ပျက်စီးစေပါတယ်။

man drinking from clear plastic bottle
Photo by Artem Podrez on Pexels.com

ဦးနှောက်ရဲ့သိမြင်နိုင်မှုစွမ်းရည်တွေကျဆင်းတာဟာ ကျန်းမာတဲ့သူတွေမှာတောင် အသက်အရွယ်ကြီးတဲ့အခါ ရင်ဆိုင်ရတဲ့ သာမန်ဖြစ်ရပ်သာဖြစ်ပါတယ်။ဒါပေမယ့် ဒီလိုကိုယ်အလေးချိန်မြင့်တက်ပြီး ဝတဲ့သူတွေကတော့ သာမန်ဖြစ်လေ့ဖြစ်ထရှိတဲ့ဒီအခြေအနေကို သိသိသာသာ ဆိုးရွားစွာခံစားရနိုင်ပါတယ်။

ဒီလို BMI အရကိုယ်အလေးချိန်မြင့်တက်တဲ့သူတွေဟာ စိတ်ခံစားမှုနဲ့ ဦးနှောက်ရဲ့သိမြင်နိုင်မှုစွမ်းရည်တွေ မညီမျှမှုကို ပိုမိုခံစားလာရပြီဆိုရင်တော့ ရူးသွပ်တဲ့အထိပါဖြစ်နိုင်တဲ့ အယ်လ်ဇိုင်းမားရောဂါဖြစ်ဖို့အခွင့်အလမ်းများနေပါပြီ။

ဒီသုတေသနအသစ်တစ်ခုဟာကျန်းမာရေးဆိုင်ရာပြဿနာကိုကြားဝင်ဖြေရှင်းနည်းအသစ်တွေနဲ့ကုသကာကွယ်မှုတွေပြုလုပ်ပေးနိုင်ကောင်းပေးနိုင်တယ်လို့ဆိုပါတယ်။

သုတေသနကိုလူပေါင်း၉၀၀၀ပါဝင်လေ့လာမှုနဲ့၁၂၅၀၀ဦးပါဝင်တဲ့ လေ့လာမှုဆိုပြီးပုံစံနှစ်မျိုးနဲ့ပြုလုပ်ခဲ့ပါတယ်။သုတေသနပညာရှင်တွေက အသက်အရွယ်အိုမင်းနေတဲ့သူတွေမှာ ၆နှစ်ကြာလေ့လာမှုပြုလုပ်ခဲ့ခြင်းဖြစ်ပါတယ်။သိပ္ပံပညာရှင်တွေက  သုတေသနမှာပါဝင်စစ်ဆေးခံသူများရဲ့ BMI အပြင်ဦးနှောက်ရောင်ခြင်း၊သိမြင်နိုင်မှုစွမ်းရည်တို့နဲ့ပတ်သက်ပြီးအချက် အလက်များဆန်းစစ်ရယူခဲ့ပါတယ်။BMIမြင့်တက်ခြင်းနဲ့သိမြင်နိုင်မှုစွမ်းရည်ကျဆင်းခြင်းတို့ရဲ့တိကျတဲ့ဆက်နွယ်မှုလေ့လာတွေ့ရှိခဲ့တာဖြစ်ပါတယ်။

woman biting a hamburger
Photo by Pavel Danilyuk on Pexels.com

အရီဇိုးနား တက္ကသိုလ်က သုတေသနကိုဦးဆောင်ခဲ့သူ Kyle Bourassaက”ကိုယ်အလေးချိန်မြင့်တက်တဲ့စစ်ဆေးခံယူ တဲ့သူတွေကို ပထမ အချိန်ကန့်သတ်ချက်တစ်ခုထားပြီးလေ့လာတဲ့အခါ သူတို့ဟာ နောက်လေးနှစ်လောက်ထိ CRP levelပြောင်းလဲမြင့်တက်လာတာကိုတွေ့ရတယ်။CRP levelဆိုတာ သွေးတွင်းပရိုတင်းဓာတ်တိုင်းတာမှုဖြစ်ပြီး သိသိသာ သာမြင့်တက်လာခြင်းကြောင့် ခနာကိုယ်အစိတ်အပိုင်းတွေရောင်ရမ်းတာကိုတွေ့ရပါတယ်။လေးနှစ်လောက် CRP levelမြင့်တက်လာပြီးနောက် ကြိုတင်သတ်မှတ်ထားတဲ့ အချိန်ကန့်သတ်မှု ခြောက်နှစ်ပြည့်တဲ့အခါ ဒီလို သုတေသနရလဒ် ကိုတွေ့ရှိခဲ့ခြင်းဖြစ်ပါတယ်”လို့ဆိုပါတယ်။

နောက်ဆက်တွဲဆိုးကျိုးတွေကတော့ နှလုံးသွေးကြောဆိုင်ရာရောဂါများ၊ သွေးဖိအားမြင့်တက်ခြင်း၊ ဆီးချိုသွေးချိုရောဂါ၊ ကင်ဆာရောဂါအမျိုးမျိုး၊ အရိုးအဆစ်ရောင်ရမ်းနာရောဂါနဲ့ သည်းခြေအိတ်ရောဂါတို့ဖြစ်ပွားနိုင်တယ်လို့လည်း သိရပါတယ်။

ဒါကြောင့်Bourassaက”ကိုယ်အလေးချိန်နည်းတဲ့အခြေအနေဟာသင့်အတွက်ကောင်းပါတယ်။သင့်ကျန်းမာရေးအတွက်ရော သင့်ဦးနှောက်အတွက်ပါကောင်းပါတယ်”လို့ အကြံပြုထားပါတယ်။

ChoChoThan(Shwemom)

ref:thesun

RELATED ARTICLES
- Advertisment -

Most Popular

%d bloggers like this: