အမုန်းမေတ္တာ (Jodha Akbar) ဇာတ်လမ်းတွဲဟာ 2013 ခုနှစ်က ထုတ်လွှင့်ပြသခဲ့တဲ့ အိန္ဒိယသမိုင်းနောက်ခံ ဇာတ်လမ်းတွဲတစ်ခုဖြစ်ပြီး မင်းသား Rajat Tokas နဲ့ မင်းသမီး Paridhi Sharma တို့က အဓိကပါဝင်သရုပ်ဆောင်ထားတာ ဖြစ်ပါတယ်။ ဒီဇာတ်လမ်းတွဲတွင် ဇာတ်ရုပ်အပေါ် ပီပြင်စွာသရုပ်ဆောင်စွမ်းရည်တွေကြောင့် ပရိသတ်တွေရဲ့ ချီးကျူးခြင်းကို ခံခဲ့ရတဲ့ ဇာတ်လမ်းတွဲကောင်းတစ်ခုလည်း ဖြစ်ပါတယ်။
Jodha Akbar ဇာတ်လမ်းတွဲဟာ အိန္ဒိယနိုင်ငံရဲ့ ကံကြမ္မာကို ပြောင်းလဲစေမယ့် အခြေအနေတစ်ခုတွင် နိုင်ငံရေးအရ လက်ထပ်ခြင်းပြုကြရမယ့် Jodha Bai နဲ့ Akbar တို့ရဲ့ ချစ်ခြင်းမေတ္တာကိုအလေးပေး ရိုက်ကူးပုံဖော်ထားတာပါ။ အဲဒီအချိန်ကာလရဲ့ စစ်ပွဲအခြေအနေတွေနဲ့ Mugals နဲ့ Rajputs တို့ကြား ဆက်ဆံရေးတွေအတွင်း Jodha Bai နဲ့ Akbar တို့နှစ်ယောက် အခက်အခဲအကျပ်အတည်းတွေကို ဘယ်လိုမျိုးရင်ဆိုင်ဖြေရှင်းသွားကြမလဲဆိုတာကို ကြည့်ရှုရမယ့် ဇာတ်လမ်းတွဲကောင်းတစ်ခုပဲ ဖြစ်ပါတယ်။
နောက်ပြီး ဒီဇာတ်လမ်းတွဲတွင် နိုင်ငံလည်ပတ်နေတဲ့ စနစ်တွေ၊ တရားရုံးတွေ၊ အရာရှိတွေ၊ ဝန်ကြီးတွေနဲ့ Jodha Bai နဲ့ Akbar တို့ရဲ့ အချစ်ဇာတ်လမ်းကို မြင်တွေ့ရမှာဖြစ်ကာ နောက်ဆုံးတွင် Mugals ဧကရာဇ် Jalaluddin Muhammad က အိန္ဒိယပြည်သူတွေထံမှ ‘Akbar’ ဘွဲ့ရရှိပုံကိုလည်း ပြသထားတာပဲ ဖြစ်ပါတယ်။
အမုန်းမေတ္တာ (Jodha Akbar) ဇာတ်လမ်းတွဲကို မြန်မာစာတန်းထိုးဖြင့် https://www.viu.com/ott/mm/mya/all/ တွင် ဝင်ရောက်ကြည့်ရှုနိုင်ပါတယ်။
