ဝိုင်လေးကို ချိစ်လေးနဲ့ မြည်းရတဲ့အရသာလောက် ဘယ်အရာကမှ မကောင်းပါဘူး။ အခု အဲဒီလို ဝိုင်နဲ့ချိစ်နဲ့ကို ပုံမှန်လေးစားသုံးပေးခြင်းကလည်း ဦးနှောက်ကျန်းမာရေးကို ကောင်းစေနိုင်တယ်ဆိုပြီးတော့ လေ့လာတွေ့ရှိမှုအသစ်တစ်ခုကို ရှာတွေ့ခဲ့ပါတယ်။
Martha Stewart ဆိုတဲ့ website အရ ကျွန်တော်တို့တွေရဲ့ cognitive acuity ဆိုတဲ့ လုပ်ဆောင်မှုဟာ ဝိုင်နဲ့ချိစ်ကို ပုံမှန်တွဲစားသုံးပေးခြင်းကြောင့် လုပ်ဆောင်မှုနှုန်း ပိုမိုမြင့်တက်လာနိုင်ပါတယ်တဲ့။
အပေါ်မှာဖော်ပြခဲ့တဲ့ cognitive acuity ဆိုတာ ဘာလဲဆိုတော့ ကျွန်တော်တို့ ဦးနှောက်ရဲ့ မှတ်နိုင်မှုစွမ်းအားဖြစ်တဲ့ မှတ်ဉာဏ်ပိုင်းဆိုင်ရာ၊ အသစ်အသစ်တွေကို လေ့လာသင်ယူနိုင်စွမ်းနဲ့ နေ့စဉ်ဘဝမှာ ချရတဲ့ ဆုံးဖြတ်ချက်တွေကို မှန်မှန်ကန်ကန်နဲ့ ပြတ်ပြတ်သားသား ချနိုင်ခြင်းတို့ ပါဝင်နေပါတယ်။ ဒါတွေဟာ အသက်ကြီးတဲ့လူတွေနဲ့ စိတ်ဖိစီးမှုအရမ်းများတဲ့လူတွေမှာ အဖြစ်များတတ်တဲ့ လက္ခဏာတွေပါပဲ။
ဒီလက္ခဏာတွေမဖြစ်အောင်ဆိုရင်တော့ လူတစ်ယောက်ဟာ နေ့စဉ် ဝိုင်နီတစ်ခွက်နဲ့ ချိစ်အနည်းငယ်တို့ကို နေ့စဉ်ပုံမှန်လေးစားသုံးပေးတာက အသိသာဆုံးဖြစ်မှာပါတဲ့။
ဒီအပြင် လတ်ဆတ်တဲ့အသီးအနှံတွေ၊ သစ်သီးခြောက်တွေ၊ ဟင်းရွက်တွေ၊ ငါးကြီး၊ အသားနီတွေဖြစ်တဲ့ သိုးတို့ အမဲသားတို့အပြင် ပေါင်မုန့်၊ လက်ဖက်ရည်၊ ကော်ဖီ၊ ရှန်ပိန်နဲ့ ဘီယာတွေကနေလည်းပဲ cognitive acuity ရဲ့လုပ်ဆောင်မှုကို ပိုပြီးမြှင့်တင်ပေးနိုင်ပါတယ်လို့လည်း ဖော်ပြထားပါတယ်။
