-
ယောက်ျားတိုင်းသိထားသင့်တဲ့ ကျန်းမာရေးနဲ့ညီညွတ်စွာ ယမကာမှီဝဲနည်း လမ်းညွှန်
အရက်ဆိုတာ သောက်တတ်ရင်ဆေးဖြစ်နိုင်သလို၊ အလွန်အကျွံသောက်သုံးမိပါက ဘေးဖြစ်လာနိုင်ပါတယ်။ ဒီတော့ အမျိုးသားတိုင်းသိထားသင့်တဲ့ မှန်ကန်တဲ့အရက်သောက်နည်းကို One Medical မှ ကိုးကားဖော်ပြပေးလိုက်ပါတယ်။
(၁) အရင်စားပါ
အရက်ကို နည်းနည်းပဲသောက်သောက်၊ ပျော့ပျော့ပဲသောက်သောက် အရင်ဆုံး ဗိုက်ထဲ တစ်ခုခုစားပြီးမှ သောက်သုံးသင့်ပါတယ်။ စားတယ်ဆိုတဲ့နေရာမှာလည်း ဖိုက်ဘာနဲ့ ပရိုတင်းဓါတ်ပါတာတွေကို ဦးစားပေးစားသုံးသင့်ပြီးတော့ အဆီများတဲ့ ဆီကြော်တွေကိုတော့ ရှောင်ကြဉ်ပါ။
Photo by Tembela Bohle on Pexels.com (၂) နားနားနေနေသောက်ပါ
ဆိုလိုတာ အရက်မသောက်ခင်နဲ့ သောက်ပြီးတဲ့အချိန်တွေမှာ နားနားနေနေ နေခိုင်းတာဖြစ်ပါတယ်။ ခန္ဓာကိုယ်ကို ပင်ပန်းစေမယ့်အရာမျိုးတွေကို မလုပ်တာအကောင်းဆုံးပါ။ ဥပမာဆိုရင် အားကစားလုပ်တာမျိုးပေါ့။
(၃) ရေကို အဆက်မပြတ်သောက်သုံးပါ
အရက်သောက်ခြင်းဟာ ခန္ဓာကိုယ်ထဲမှာရှိနေတဲ့ ရေဓါတ်တွေ အကုန်လုံးကို ဆုံးရှုံးသွားစေနိုင်ပါတယ်။ အဲဒါကြောင့် အရက်သောက်နေစဉ်အတွင်းမှာရော အရက်သောက်ပြီးတဲ့အခါမှာရော ရေကို ခဏခဏသောက်သုံးပေးပါ။
Photo by Tima Miroshnichenko on Pexels.com (၄) အချိုအရမ်းမစားပါနဲ့
အချိုဓါတ်အများကြီးစားခြင်းဟာ ပိုပြီးမူးယစ်စေတာကို သတိထားပါ။
(၅) သောက်သင့်တဲ့ limit
အမျိုးသမီးတွေဆိုရင်တော့ ကျန်းမာရေးနဲ့ညီညွတ်ဖို့ တစ်နေ့ကိုတစ်ခွက်တည်းသာသောက်သင့်ပြီး အမျိုးသားတွေဆိုရင်တော့ ၂ ခွက်သာသောက်သင့်ပါတယ်။
Photo by Matheus Bertelli on Pexels.com -
လုပ်ငန်းခွင်ထဲမှာ သင့်ကို အခက်တွေ့စေနိုင်မယ့် သင့်ရဲ့အမူအကျင့် ၅ မျိုး
အလုပ်ရှိတဲ့ လူတစ်ယောက်ရဲ့ နေ့စဉ်ဘဝဟာ ကိုယ်အလုပ်လုပ်ရာ လုပ်ငန်းခွင်ပါပဲ။ ဘာကြောင့်လဲဆိုတော့ အလုပ်လုပ်နေတဲ့ ဝန်ထမ်းတွေဟာ သူတို့နေ့စဉ်ဘဝရဲ့ လေးပုံ သုံးပုံကို လုပ်ငန်းထဲမှာပဲ အချိန်ကုန်နေရတာကြောင့် ဖြစ်ပါတယ်။ ဒီလိုမျိုး လုပ်ငန်းခွင်နဲ့ နေ့စဉ်ထိတွေ့ဆက်ဆံနေတဲ့ လူတစ်ယောက်ရဲ့ စိတ်ဓာတ်တွေ၊ အပြုအမူအပြောအဆိုပုံစံတွေဟာ တော်တော်လေးကို အရေးကြီးပါတယ်။ တချို့လူတွေကတော့ ကိုယ်ပြုမူပြောဆိုနေကျ ပုံစံတွေ၊ အိမ်မှာနေတဲ့ ပုံစံတွေအတိုင်း ရုံးမှာ ပြုမူနေထိုင်ကြပါတယ်။ အဲဒီလိုနေတာဟာ ရေရှည်မှာ လုံးဝအဆင်ပြေမှာ မဟုတ်ပါဘူး။ ဒါ့ကြောင့် ဒီနေ့မှာတော့ လုပ်ငန်းခွင်ထဲမှာ သင့်ကို အခက်တွေ့ပြီး ဒုက္ခရောက်စေနိုင်တဲ့ အမူအကျင့်ပုံစံ (၅) မျိုးကို ပြောပြပေးချင်ပါတယ်။
Photo by fauxels on Pexels.com ၁။ အရာရာကို အဆိုးမြင်နေခြင်း
အဆိုးမြင်ဝါဒီသမားတစ်ယောက်ဟာ လုပ်ငန်းခွင်ထဲမှာ ရေရှည်ရပ်တည်ဖို့ မလွယ်ကူပါဘူး။ အရာရာကို အဆိုးမြင်စိတ်ရှိတဲ့ လူတွေဟာ တခြားလူက ကောင်းတာဘယ်လောက်ပဲ လုပ်နေပါစေ၊ အမြဲတစေ အဆိုးမြင်တတ်နေတာ တော်တော်လေးကို အဆင်မပြေပါဘူး။ သာမန်ဝန်ထမ်းတစ်ယောက်အတွက် အဆိုးမြင်ဝါဒီရှိတာ မသိသာပေမယ့် အထက်လူကြီးတစ်ယောက် အဆိုးမြင်ဝါဒီရှိသွားရင်တော့ တော်တော်လေးကို သိသာလွန်းပါတယ်။
၂။ လိုတာထက်ပိုပြီး ခံစားနေတတ်ခြင်း
လုပ်ငန်းခွင်ထဲမှာ အလုပ်လုပ်နေတဲ့ လူတစ်ယောက်ဟာ ကိုယ့်ရဲ့ အထက်လူကြီးက ဆူလိုက်တဲ့ စကားတွေ၊ ဘဝတူဝန်ထမ်းတွေကြားမှာဖြစ်လေ့ဖြစ်ထရှိတဲ့ ပြဿနာတွေအပေါ် ခံစားချက် ထားနေလို့ အဆင်မပြေပါဘူး။ လုပ်ငန်းခွင်ထဲက လူတွေရဲ့ စကားဟာ အရေးပါသင့်သလောက်ပါပေမယ့် အရာအားလုံးကို လိုက်ခံစားနေဖို့တော့ မလိုအပ်ပါဘူး။
Photo by Andrea Piacquadio on Pexels.com ၃။ အများနဲ့ လိုက်လျောညီထွေစွာ မနေထိုင်တတ်ခြင်း
အလုပ်လုပ်နေတဲ့ လူတစ်ယောက်အတွက် teamwork ဆိုတာ အရမ်းအရေးကြီးပါတယ်။ ကိစ္စတော်တော်များများကို တစ်ယောက်တည်း လုပ်နေတာထက် အဖွဲ့အစည်းနဲ့လုပ်ကိုင်မှ ပိုအောင်မြင်မှာ ဖြစ်ပါတယ်။ ဒါ့ကြောင့် အလုပ်လုပ်နေတဲ့ ဘယ်သူမဆို အများနဲ့ လိုက်လျောညီထွေစွာ ပေါင်းသင်းဆက်ဆံနိုင်ဖို့ အရမ်းအရေးကြီးပါတယ်။
၄။ ကိုယ်မှန်မှန်၊ ကိုယ်မှားမှား အမြဲလိုလို တောင်းပန်နေတတ်ခြင်း
လုပ်ငန်းထဲမှာ အမှားတစ်ခုလုပ်မိလို့ တောင်းပန်တယ်ဆိုတာ သဘာဝကျပါတယ်။ ဒါပေမယ့် ကိုယ်မှန်မှန်မှားမှား အမြဲလိုလို တောင်းပန်နေတာကြီးကတော့ လုံးဝသဘာဝမကျပါဘူး။ ကိုယ်မှန်တဲ့အခါမှာလည်း ပြောရဲရမယ့် သတ္တိဆိုတာ ဝန်ထမ်းတိုင်းမှာ ရှိသင့်ပါတယ်။ တချို့ကိစ္စတွေက တောင်းပန်လိုက်မှ ပိုဆိုးသွားတဲ့ ကိစ္စတွေလည်း ရှိတတ်ပါတယ်။
Photo by CoWomen on Pexels.com ၅။ အပြောင်းအလဲလုပ်ရမှာကို မနှစ်သက်ခြင်း
ကိုယ့်ရဲ့အထက်လူကြီးက ကိုယ့်ကို အဲဒီလိုမလုပ်ဖို့၊ ကိုယ့်ကိုယ်ကို ပြောင်းလဲပစ်ဖို့ ပြောတဲ့အခါမျိုးတွေမှာ သူပြောတဲ့အတိုင်း ပြောင်းလဲလိုက်ပါ။ မပြောင်းလဲဘဲနဲ့ ဒီအတိုင်းဆက်သွားနေရင်တော့ ရေရှည်အဲဒီအလုပ်မှာ ဆက်လုပ်ကိုင်ဖို့ဆိုတာ မဖြစ်နိုင်ပါဘူး။ ဒါ့ကြောင့် တစ်ခုခုဆိုရင် ကိုယ့်ကိုယ်ကို ပြောင်းလဲနိုင်အောင် ကြိုးစားတာ အကောင်းဆုံးပါပဲ။
-
ငွေကြေးသက်သက်သာသာနဲ့ ဖက်ရှင်ကျကျ ဝတ်ဆင်နိုင်ဖို့ ဘာတွေသိထားသင့်လဲ
ဖက်ရှင်ဆိုတာကတော့ ကိုယ်သုံးရင် သုံးသလောက်ကို ငွေကုန်စေတဲ့ ငွေထွက်ပေါက်တစ်ခုပါ။ ဒီငွေထွက်ပေါက်ကြီးကို ပိတ်ဖို့အတွက် နည်းသိဖို့ပဲ လိုပါတယ်နော်။ ဖက်ရှင်လည်းကျမယ်၊ ငွေကုန်လည်းသက်သာမယ်ဆိုရင်တော့ တကယ့်ကို အဆင်ပြေတဲ့နည်းပေါ့။ ငွေကြေးကုန်ကျမှုသက်သာပြီး ဖက်ရှင်ကျကျ ဝတ်ဆင်နိုင်မယ့်နည်းလမ်းက ဘယ်လိုမျိုးလဲ။
Brand တွေ၊ ဈေးကြီးတာတွေ မဝယ်ပါနဲ့
Photo by Maryia Plashchynskaya on Pexels.com ဈေးကြီးတိုင်း ဖက်ရှင်ကျတာ မဟုတ်သလို၊ ဖက်ရှင်ကျတိုင်းလည်း ဈေးကြီးမနေပါဘူးနော်။ Brand ဝတ်မှ ဖက်ရှင်ကျတယ်လို့ မထင်လိုက်ပါနဲ့၊ brand မဝတ်လည်း ဖက်ရှင်ကျတဲ့သူတစ်ယောက်ဖြစ်အောင် ဝတ်ဆင်လို့ရပါတယ်။ ဒါကြောင့် ဈေးကြီးတိုင်း ဖက်ရှင်ကျမယ်ထင်နေတဲ့ သင့်စိတ်ကို အမြန်ဆုံးပြုပြင်ဖို့ လိုပါတယ်။ ဈေးနှုန်းအသင့်အတင့်နဲ့ ဖက်ရှင်ကျကျ ဝတ်တတ်အောင် ကြိုးစားပါ။
ကိုယ်နဲ့ လိုက်ဖက်မှုရှိတဲ့ပုံစံကို ရွေးဝယ်ပါ
မိန်းကလေးတွေ တော်တော်များများ လုပ်လေ့ရှိတဲ့ အမှားတစ်ခုက သူများနဲ့ လှနေရင် ကိုယ်နဲ့လည်း လှမယ်လို့ ထင်တတ်ကြတာပါ။ ဒါဟာ တကယ့်ကို မှားယွင်းမှုကြီးဖြစ်ပြီး လူတိုင်းမှာ ကိုယ့်စတိုင်နဲ့ကိုယ် ရှိပါတယ်။ သူများနဲ့ လှတိုင်းလည်း ကိုယ်နဲ့လှချင်မှ လှမှာဖြစ်ပြီး ကိုယ်နဲ့လှတဲ့ဖက်ရှင်ဟာလည်း သူများနဲ့ အဆင်ပြေချင်မှ ပြေနိုင်မှာပါ။ ဆိုင်မှာရောင်းနေတဲ့ အဝတ်တွေကို ဝတ်ကြည့်ပြီးမှ လိုက်ဖက်မှုရှိတယ်ဆိုမှ ဝယ်ယူဖို့ အကြံပေးချင်ပါတယ်။
တကယ်အသုံးဝင်တဲ့ ပစ္စည်းဖြစ်ပါစေ
Photo by Alexandra Maria on Pexels.com ကိုယ်ကြိုက်လို့ ဝယ်လာပြီးမှ တစ်ခါလေးဝတ်ပြီး မဝတ်ဖြစ်တော့တဲ့ အဝတ်အစားတွေ ဗီရိုထဲမှာ ဒီအတိုင်းရှိနေတယ်မဟုတ်လား။ ဆိုင်မှာတော့ လှသလိုမြင်ပြီး အိမ်ရောက်မှ မကြိုက်တော့တဲ့ အဝတ်အစားမျိုး၊ ကိုယ့်အတွက် တစ်ခါပဲ ဝတ်ဖြစ်ပြီး နောက်မဝတ်ချင်တော့တဲ့ အဝတ်အစားမျိုးတွေကို မဝယ်ဖြစ်အောင် သေချာရွေးချယ်ဝယ်ယူပါ။ ကိုယ်ဝယ်လိုက်တဲ့ အဝတ်အစားတွေဟာ ကိုယ့်အတွက် တကယ်အသုံးဝင်မယ့် အဆင်ပြေမယ့် အဝတ်အစား ဖက်ရှင်မျိုးကို ရွေးချယ်ဝယ်ယူသင့်ပါတယ်။
လတ်တလော ဖက်ရှင်ရေစီးကြောင်းကို မလိုက်ပါနဲ့
လတ်တလောမှာ ခေတ်စားနေတဲ့ ဖက်ရှင်ကို မလိုက်ခိုင်းတာက တချို့ဖက်ရှင်တွေက ခဏတာ hit ထပြီး နောက်ပိုင်းမဝတ်ဖြစ်လောက်တဲ့၊ ဝတ်ရမှာ အဆင်မပြေလောက်တဲ့ ဖက်ရှင်မျိုး ဖြစ်နေတတ်ပါတယ်။ ဒါတွေဟာ တစ်ခဏမှာတော့ လူကြိုက်အရမ်းများလို့ ဈေးကြီးပေးဝယ်ရပေမယ့် တကယ်တမ်းမှာတော့ အမြဲတမ်းဝတ်ဖို့ အဆင်မပြေတဲ့ ဖက်ရှင်ဖြစ်နေတတ်လို့ပါ။ ဘယ်တော့မှ ရိုးမသွားတဲ့၊ အမြဲတမ်းဝတ်လို့ အဆင်ပြေမယ့် ဖက်ရှင်မျိုးကိုသာ ရွေးချယ်ဝယ်ယူမှ ငွေကြေးလည်း ချွေတာနိုင်ပြီး အသုံးလည်း ဝင်စေမှာပါ။
-
အရက်သောက်ချင်စိတ် ပြင်းပြမှုကို ထိရောက်စွာတားဆီးနိုင်မယ့် အကြံပြုချက် ၄ ချက်
အရက်သောက်တာ မကောင်းတဲ့အကျင့်လို့တော့ မပြောချင်ပေမယ့်လို့ အလွန်အကျွံသောက်သုံးတဲ့အခါမျိုးကျရင်တော့ ခန္ဓာကိုယ်ရဲ့ကိုယ်တွင်းကလီစာတွေအတွက် ဘယ်လိုကောင်းကျိုးမှ ဖြစ်လာစေမှာမဟုတ်ပါဘူး။ ဒီတော့ အရက်လျှော့သောက်ဖို့ စဉ်းစားထားတယ်ဆိုရင် ဒါမှမဟုတ် အရက်ဖြတ်နေတဲ့အချိန်မျိုးမှာ သင့်အနေနဲ့ အရက်သောက်ချင်စိတ်တွေ ဖြစ်ပေါ်လာခဲ့ရင် ဖြေရှင်းဖို့အတွက် နည်းလမ်းလေး (၄) မျိုးကို ဖော်ပြပေးလိုက်ပါတယ်။
Photo by Maria Pop on Pexels.com အစားထိုးစရာရှာပါ
ဦးနှောက်ကို လှည့်စားဖို့အတွက် အရက်အစား သောက်စရာတစ်ခုခုကိုရှာပါ။ ဥပမာ black coffee ဖြစ်ဖြစ် အသီးဖျော်ရည်တစ်ခုခုဖြစ်ဖြစ်ပေါ့။
လေ့ကျင့်ခန်းလုပ်ပါ
အရက်သောက်ချင်စိတ် ရုတ်တရက်ဖြစ်ပေါ်လာတဲ့အချိန်မှာ ချွေးထွက်များစေပြီး ခန္ဓာကိုယ်ပင်ပန်းစေမယ့် လေ့ကျင့်ခန်းတစ်ခုခုကိုထလုပ်လိုက်ပါ။ ဥပမာ ပြေးလိုက်တာပဲဖြစ်ဖြစ်ပေါ့။ အရက်သောက်ချင်စိတ် လုံးဝပျောက်ကင်းသွားမှာပါ။
Photo by Ron Lach on Pexels.com တစ်ခုခုထစားလိုက်ပါ
တစ်ခုခုစားလိုက်ခြင်းဟာ ဦးနှောက်မှာဖြစ်ပေါ်လာတဲ့ တောင့်တမှုကို အာသာပြေစေဖို့ တွန်းအားပေးပါတယ်။ Cheese တို့လို အဆီအစိမ့်တွေ စားနိုင်သလို စပ်လွန်းတဲ့ အစားအစာတွေကိုလည်း စားပေးနိုင်ပါတယ်။
အသက်ရှူလေ့ကျင့်ခန်းလုပ်ပါ
၁ မိနစ်လောက် မျက်လုံးကိုပိတ်၊ ငြိမ်ငြိမ်လေးနေပြီးတော့ အသက်ရှူလေ့ကျင့်ခန်းလုပ်ပါ။ နှာခေါင်းနဲ့ရှူသွင်း၊ ပါးစပ်နဲ့ လေပြန်မှုတ်ထုတ်ပါ။ သင့်စိတ်တွေ တည်ငြိမ်သွားပါလိမ့်မယ်။ စစချင်းမှာ ခက်ခဲနိုင်ပေမယ့်လို့ နေ့စဉ်ကျင့်သားရအောင်လုပ်သွားမယ်ဆိုရင် မဖြစ်နိုင်တာမရှိပါဘူးနော်။ အားတင်းထားပါ။
Photo by Oleksandr Pidvalnyi on Pexels.com -
သင်သိထားသင့်တဲ့ အနမ်းနဲ့ပတ်သက်တဲ့ ကျန်းမာရေးကောင်းကျိုး၊ ဆိုးကျိုးများ
အနမ်းပေးခြင်းဟာ တစ်ယောက်နဲ့တစ်ယောက် မေတ္တာတွေ ပေါက်ဖွားစေနိုင်သလို ခံစားချက်တွေကိုလည်း ဖလှယ်နိုင်စေမှာပါ။ ဒါပေမဲ့ အနမ်းနဲ့ ပတ်သက်တဲ့ သင်မသိသေးတဲ့ ကျန်းမာရေး ကောင်းကျိုး ဆိုးကျိုးတွေအကြောင်းကို ဖော်ပြပေးလိုက်ပါတယ်။
(၁) အနမ်းကနေပြီး အဖျားကူးနိုင်တယ်ဆိုတာ သင်သိပါသလား။ ဖျားနေတဲ့လူနာကို အနီးကပ် ရက်ရှည်ပြုစုတာနဲ့ အဲဒီလူနာကို တစ်ချက်လေး နမ်းလိုက်တာနဲ့ ယှဉ်လိုက်မယ်ဆိုရင် နမ်းလိုက်တာဟာ ပိုပြီးတော့အဖျားကူးနိုင်ခြေများနေမှာပါတဲ့။
Photo by Vera Arsic on Pexels.com (၂) နမ်းခြင်းဟာ သင့်ကိုပိုပြီး အသက်ရှည်စေနိုင်တယ်ဆိုတဲ့ လေ့လာချက်လည်းရှိနေပါသေးတယ်။ Time မဂ္ဂဇင်းရဲ့ ဆောင်းပါးတစ်ခုအရ အမျိုးသမီးတွေကို နမ်းပြီးမှ အလုပ်သွားတဲ့ အမျိုးသားတွေဟာ ဘဝမှာ ပိုအောင်မြင်ပြီး စိတ်ချမ်းသာတတ်ကြရတယ်တဲ့။ ဒီလို positive energy တွေရသွားတဲ့အတွက်ကြောင့်လည်း ပျော်ရွှင်ပြီး အသက်ရှည်ရှည်နေနိုင်ကြတာပါလို့ ဆိုထားပါတယ်။
(၃) သွားဖုံးပြဿနာရှိတဲ့လူနဲ့ အချိန်အကြာကြီး ခဏခဏနမ်းဖြစ်နေခဲ့မယ်ဆိုရင် သင့်ဆီကိုလည်း သွားဖုံးရောဂါတွေ ကူးစက်လာနိုင်ပါတယ်။
(၄) ဘီပိုးကိုလည်း အနမ်းမှတစ်ဆင့် ကူးစက်နိုင်ပါတယ်။ ဒီခေတ်ကြီးထဲ ဘီပိုးကာကွယ်ဆေးတွေ ပေါ်လို့ မရှိလောက်တော့ဘူးဆိုပေမယ့်လို့ ဒါဟာလည်း သတိထားရမယ့် အချက်တစ်ခုပါပဲ။
Photo by Tan Danh on Pexels.com (၅) အနမ်းကြောင့် ရေယုန်ကူးနိုင်တယ်ဆိုတာကိုလည်း သတိထားရပါမယ်။
(၆) ပြင်သစ်အနမ်းကြောင့် သင့်ရဲ့ကယ်လိုရီတွေ လောင်ကျွမ်းစေနိုင်တယ်ဆိုတာ သင်သိပါသလား။ ၂၀၁၃ ခုနှစ်ရဲ့ American Journal of Medicine အရ ရိုးရိုးတမ်းတမ်းအနမ်းဆိုရင်တောင်မှပဲ ကြွက်သား ၂ ခုကို အသုံးပြုရတာကြောင့် ၂ မဟုတ်ရင် ၃ ကယ်လိုရီလောက် လောင်ကျွမ်းမှာပါ။ တကယ့်ကို ရမ္မက်ဆန်တဲ့အနမ်းဆိုရင်တော့ မျက်နှာကြွက်သား ၂၃ ခုမှ ၃၄ ခုနဲ့ ခန္ဓာကိုယ်ကြွက်သား ၁၁၂ ခုလောက်အသုံးပြုရတာကြောင့် တစ်မိနစ်ကို ၅ မှ ၂၆ ကယ်လိုရီအထိ လောင်ကျွမ်းစေနိုင်မှာပါ။
Photo by Luiz Gustavo Miertschink on Pexels.com (၇) နမ်းခြင်းကနေပြီး ဘတ်တီးရီးယားပိုးမွှားတွေ အများကြီး ကူးစက်နိုင်ပါတယ်။ လူတစ်ယောက်ရဲ့ ဘတ်တီးရီးယားပေါက်ဖွားမှုအများဆုံး နေရာတွေထဲမှာ ပါးစပ်လည်း အပါအဝင်ပါပဲ။ ဒါကြောင့် တစ်ယောက်နဲ့တစ်ယောက် ပြင်သစ်အနမ်းလိုမျိုး နှုတ်ခမ်းချင်းကြာရှည်စွာနမ်းလိုက်ပါက ဘတ်တီးရီးယားပိုးမွှားချင်း ဖလှယ်သလိုဖြစ်သွားပါလိမ့်မယ်။
(၈) ဒါပေမဲ့လည်း ဒီလိုဖြစ်ရပ်မျိုးဟာ ကိုယ့်ရဲ့ ဘတ်တီးရီးယားခံနိုင်ရည်အားကို မြင့်တက်စေမှာပါ။ ဆိုလိုတာက ငါးဖယ်လို နာနာရိုက်လေမာလေ ဆိုသလိုပဲပေါ့။ ပိုးအသစ်တွေကို ခန္ဓာကိုယ်မှာ ဘာသက်ရောက်မှုမှ မရှိစေဘဲ ခံနိုင်ဖို့ဆိုတာလည်း အနမ်းကနေ လေ့ကျင့်ပေးနိုင်ပါတယ်တဲ့။
-
လူအများစု လွဲမှားစွာ ကျင့်သုံးမိနေတတ်တဲ့ တစ်ကိုယ်ရည်သန့်ရှင်းရေး အယူအဆများ
pixabay/pexel တစ်ခါတလေ လူတွေဟာ အင်တာနက်သာမရှိရင် ဘယ်လိုများနေကြမလဲ စိတ်ဝင်စားစရာပါ။ အင်တာနက်ပေါ်မှာတော့ ကိုယ့်တစ်ကိုယ်ရည်ကျန်းမာရေးကို ဘယ်လိုထိန်းသိမ်းမလဲဆိုတဲ့ မဆုံးနိုင်တဲ့နည်းလမ်းတွေအများကြီးတွေ့ရပါလိမ့်မယ်။ အခုတစ်ခါမှာလည်း စာဖတ်သူတွေအတွက် အသုံးဝင်မယ်လို့မျှော်လင့်ရတဲ့ တစ်ကိုယ်ရည်သန့်ရှင်းရေးဆိုင်ရာ အယူအဆအမှားတွေကို ဖော်ပြပေးလိုက်ပါတယ်။
သွားတိုက်ပြီးတာနဲ့ ချက်ချင်းပလုတ်ကျင်းခြင်း
pixabay/salvoljubovski သွားဆရာဝန်တွေက သွားတိုက်ပြီးရင် သွားတိုက်ဆေးကိုပဲ ထွေးထုတ်ပစ်ဖို့တိုက်တွန်းထားပါတယ်။ ဘာကြောင့်လဲဆိုတော့ သွားတိုက်ဆေးထဲမှာပါတဲ့ ဖလူရွိုက်က ခံတွင်းထဲကျန်ရှိနေအောင်ဖြစ်ပါတယ်။ သွားတိုက်ပြီးနောက် ရေနဲ့ပလုတ်ကျင်းမယ်ဆိုရင်တော့ သွားတိုက်ဆေးရဲ့ သွားတွေအပေါ်ကာကွယ်နိုင်တဲ့အစွမ်းသတ္တိတွေလျော့နည်းသွားပြီး သွားကိုပျက်စီးစေတယ်ဆိုပါတယ်။
ဘီးကို သန့်ရှင်းစွာမထားခြင်း
ဘီးတွေဟာ ဘက်တီးရီးယားတွေပေါက်ဖွားတဲ့ အကြီးစားနေရာကြီးဖြစ်ပါတယ်။ ဒါကြောင့် ဘီးတွေကို တစ်ပတ်တစ်ခါ နှစ်ပတ်တစ်ခါ ဆေးကြောသင့်ပါတယ်။ နေ့တိုင်း ဘီးတွေကိုအသုံးပြုနေရတာဖြစ်တဲ့အတွက် ညစ်ပတ်ပြီးဘက်တီးရီးယားတွေနဲ့ပြည့်နေတဲ့ဘီးကို ဖြီးရမယ်ဆိုရင်တော့ တကယ်ကိုမနှစ်မြို့စရာပါပဲ။
နှာခေါင်းမွေးတွေကို ဖယ်ပစ်ခြင်း
လူ့ခန္ဓာကိုယ်ပေါ်က အမွေးအမျှင်တွေဟာ မသန့်ရှင်းဘူးဆိုပြီး အများစုက ဖယ်ရှားတတ်ကြပါတယ်။ ဒါပေမဲ့ ဒီနေရာမှာတော့ နှာခေါင်းထဲက အမွေးတွေကိုဖယ်ရှားလို့ ဘာကျန်းမာရေးအကျိုးကျေးဇူးမှ ရမှာမဟုတ်ပါဘူး။ နှာခေါင်းတွင်းက အမွေးတွေဟာ ဖုန်မှုန့်တွေနဲ့ အခြားယားယံတာ၊ ဓာတ်မတည့်တာတွေဖြစ်စေနိုင်တဲ့အရာတွေကို အဆုတ်ထဲမဝင်ရောက်နိုင်အောင် ကာဆီးပေးပါတယ်။
ရေချိုးတဘက်တွေကို ရေချိုးခန်းထဲထားခြင်း
pixabay/Tesaphtography ရေချိုးတဘက်တွေဟာ ရေချိုးခန်းထဲမှာထားရင် ပိုညစ်ပေလွယ်ပါတယ်။ ဥပမာပြောရရင် အိမ်သာဖုံးဖွင့်ပြီး ရေဆွဲချမိတဲ့အခါ၊ စပရေးတွေဖြန်းတာ၊ ပြီးတော့ စိုထိုင်းတဲ့နေရာမှာ တစ်ချိန်လုံးရှိနေရတဲ့ ရေချိုးတဘက်တွေဟာ အစိုဓာတ်ကြောင့် ဘက်တီးရီးယားတွေ ပိုမိုပေါက်ဖွားတဲ့နေရာဖြစ်လာနိုင်ပါတယ်။
ရေပူနဲ့လက်ဆေးခြင်း
ရေပူဟာ ပိုးမွှားတွေကို သေစေနိုင်တယ်ဆိုပြီး လူတွေက ယုံကြည်လာခဲ့ကြတာပါ။ ဒါပေမဲ့ ရေဘုံဘိုင်ကနေ ထွက်လာတဲ့ အပူချိန်အနိမ့်အမြင့်က တကယ်တော့ ဘာမှမထူးခြားပါဘူး။ ရေဟာ ၂၁၂ ဒီဂရီဖာရင်ဟိုက် (၁၀၀ ဒီဂရီ စင်တီဂရိတ်) ရောက်မှ ဘက်တီးရီးယားတွေအတွက် အန္တရာယ်ရှိတာပါ။ ဒါ့ပြင် ရေပူဟာ အသားအရေအတွက်လည်းမကောင်းပါဘူး။ လက်အရေပြားတွေကို ခြောက်သွေ့စေပါတယ်။ ဒါကြောင့် ရေပူနဲ့ရေဆေးတာထက်စာရင် ရေအေးနဲ့သာ အချိန်ပိုကြာကြာလက်ဆေးသင့်ပါတယ်။
-
မိသားစုတွေ တစ်ယောက်နဲ့တစ်ယောက်စကားပြောချိန် လျော့နည်းသွားရတဲ့အကြောင်းရင်း
pixabay/chilla70 အဖေ၊ အမေ၊ မောင်နှမတွေရှိနေတဲ့အိမ်က အနွေးထွေးဆုံးပါ။ ဒါပေမယ့် အခုတော့ မနွေးထွေးကြတော့ပါဘူး။ အရင်ခေတ်တုန်းကနဲ့မတူတော့ဘဲ မိသားစုတွေ တစ်ယောက်နဲ့တစ်ယောက် အနေဝေးပြီး စကားပြောချိန် နည်းသွားရတာက ….
(၁) ဆိုရှယ်မီဒီယာကြောင့်
pixabay/icsilviu အခုခေတ် နည်းပညာတိုးတက်လာတာတွေကြောင့် မိသားစုတွေအနေဝေးသွားကြတယ်။ အဲဒီလို မိသားစုတွေ အနေဝေးသွားကြတဲ့ အဓိကတရားခံကတော့ ဆိုရှယ်မီဒီယာကြောင့်၊ ဖုန်းကြောင့်ပါ။ မိသားစုတွေတစ်ယောက်နဲ့တစ်ယောက် မျက်နှာချင်းဆိုင် စကားပြောနိုင်ဖို့ အရမ်းကိုဝေးသွားခဲ့ပါတယ်။ အသက်ငယ်တဲ့ကလေးကအစ လူကြီးအဆုံး ဖုန်းတွေကိုသုံးလာကြတယ်။ ဆိုရှယ်မီဒီယာတစ်ခုဖြစ်တဲ့ ဖေ့စ်ဘွတ်တွေကိုပဲသုံးလာကြလို့ပါ။ ဖုန်းသုံးချိန်နဲ့ မိသားစုအချိန်ဆိုပြီး သီးသန့်အချိန်ခွဲထားလိုက်ရင် မိသားစုတွေ အနေနီးသွားမှာပါ။
(၂) အလုပ်ကြောင့်
မိသားစု စားဝတ်နေရေးအတွက် တစ်မိသားစုလုံးအလုပ်ထွက်လုပ်နေရတယ်ဆိုရင်လည်း မိသားစုအချိန်ရှားနေတတ်ပါတယ်။ အိမ်ကနေ အလုပ်၊ အလုပ်ကနေ အိမ် အသွားအပြန်လုပ်နေရတဲ့အတွက် မိသားစုအတွက် အချိန်မပေးနိုင်ကြဘူး။ အိမ်ကိုပြန်ရောက်ပြီဆိုရင် အလုပ်က ပင်ပန်းလာတဲ့ဒဏ်တွေကြောင့် ဘယ်သူနဲ့မှ စကားမပြောနိုင်တော့ဘူး။ အဲဒီလို အလုပ်ကြောင့် မိသားစုတွေ အနေဝေးသွားကြတာပါ။
(၃) ကိုယ့်အိုးကိုယ့်အိမ်ဖြစ်သွားကြလို့
မိသားစုထဲမှာ ကိုယ်စီ တစ်အိုးတစ်အိမ်ထူထောင်သွားကြတဲ့သူတွေနဲ့ အနေဝေးသွားတတ်ပါတယ်။ ကိုယ့်အတွက်ကိုယ်ကြည့်နေရတဲ့အတွက် မိသားစုဆိုတာနဲ့ဝေးသွားကြတာပါ။ ကိုယ့်အိမ်ကနေ မိသားစုအိမ်ကို မပြန်နိုင်တာရယ်၊ မိသားစုအတွက် အချိန်ပေးရတာ အပိုအလုပ်တစ်ခုလိုဖြစ်လာလို့ မိသားစုတွေအနေဝေးသွားကြတာပါ။
(၄) ဂရုစိုက်မှုတွေမရှိကြတော့လို့
pixabay/Tumisu မိသားစုတွေ မောင်နှမအရမ်းများသွားတယ်ဆိုရင် တစ်ယောက်နဲ့တစ်ယောက် ဂရုစိုက်ချိန်တွေ မရှိကြတော့ဘူး။ တစ်ယောက် ဘာဖြစ်နေလဲဆိုတာ တစ်ယောက်က မသိချင်သလို၊ အရေးလုပ်ပြီး မမေးကြတော့လို့ပါ။ မောင်နှမတွေက စကားပြောချိန်မရှိကြတော့လို့ တစ်ယောက်နဲ့တစ်ယောက် စကားပြောချိန်တွေနည်းသွားပြီး အနေဝေးသွားကြတာပါ။
-
လူမသိ သူမသိ ကိုယ့်ကိုယ်ကိုယ်တောင်မသိဘဲ စိတ်ဖိစီးမှုများနေတဲ့ လက္ခဏာများ
စိတ်ဖိစီးမှုဆိုတာ လူတိုင်းမှာ အကြောင်းရင်းမျိုးစုံနဲ့ ရှိနေနိုင်ပါတယ်။ အသက်ငယ်တဲ့ ကလေးလေးမှာတောင်မှပဲ သူတို့လိုချင်တဲ့ အရုပ်မရလို့ စိတ်ဖိစီးနေတတ်တာပါ။ ဒါပေမဲ့ အနည်းအများပေါ်မူတည်ပြီးတော့ လူတစ်ယောက်ဟာ သူ့ရဲ့ အပြုအမူတွေ ပြောင်းသွားတတ်ပါတယ်။ အဲဒီအထဲကမှ ကိုယ်တိုင်တောင် စိတ်ဖိစီးလို့ ဖိစီးနေမှန်းတောင်မသိကြတဲ့ လူတွေဆိုရင်တော့ မသိတာကြောင့် စိတ်ဖိစီးမှုပြေပျောက်အောင် ဘယ်လိုမှ တတ်စွမ်းနိုင်မှာမဟုတ်ပါဘူး။ သင်ဟာ လူမသိ၊ သူမသိ စိတ်ဖိစီးနေတဲ့လူ ဖြစ်နေပြီလားဆိုတာ ဒီအချက်တွေနဲ့ တိုက်စစ်ကြည့်လိုက်ပါနော်။
ဒေါသကြီးတယ်
pixabay/yogendras31 အဲဒီလိုလူတွေမှာ အများဆုံးတွေ့ရတာကတော့ ဒေါသကြီးတာပါပဲ။ ဘာမဟုတ်တာလေးကို အထနတွေကောက်ပြီးတော့ စိတ်လိုက်မာန်ပါပြောဆိုတာ၊ သောင်းကျန်းတာတွေ လုပ်လေ့ရှိပါတယ်။ ဒါပေမဲ့ သူတို့ဒေါသက ကောက်ရိုးမီးလိုပဲ ဟုန်းခနဲထတောက်၊ ပြီး ပြေချင်တော့လည်းချက်ချင်းဆိုသလိုပေါ့။
ညဘက်တွေ အိပ်မပျော်ဘူး
ညဘက်တွေမှာ အိပ်ပျော်ဖို့ခဲယဉ်းသလို အိပ်ပျော်သွားပြီဆိုရင်လည်း နှစ်နှစ်ခြိုက်ခြိုက် မအိပ်နိုင်ကြပါဘူး။ အသံကလေးကြားရုံနဲ့ နိုးလာတာမျိုး၊ အိမ်သာသွားချင်သလိုလို ခဏခဏဖြစ်ပြီး နိုးလာတာမျိုး၊ အိပ်မက်တွေမက်နေလို့ အိပ်မောမကျတာမျိုးတွေဖြစ်တတ်ပါတယ်။
စိတ်မရှည်ဘူး
pixabay/Engin_Akyurt ဘယ်အရာပဲဖြစ်ဖြစ်၊ ဘယ်သူ့ကိုပဲဖြစ်ဖြစ် စိတ်လုံးဝမရှည်တတ်ကြပါဘူး။ သူတို့မဲလို့ရတဲ့လူကို ပိုပြီး စိတ်မရှည်ဘဲ အော်ငေါက်တာမျိုးတွေလုပ်တတ်ပါတယ်။
ဇီဇာကြောင်တယ်
ပင်ပန်းနေပေမယ့်လည်း သူတို့လုပ်မှ အကောင်း၊ သူတို့လုပ်မှ အမှန်လို့ တွေးထားပြီးတော့ အစားအသောက်ပဲဖြစ်ဖြစ်၊ အလုပ်မှာပဲဖြစ်ဖြစ်၊ သန့်ရှင်းရေးပဲဖြစ်ဖြစ် သူတို့လုပ်မှ အကောင်းပဲ ထင်တတ်ကြပါတယ်။ ဇီဇာတော်တော်လေးကြောင်နေပြီဆိုရင်တော့ အပေါ်ကအချက်တွေရော သင့်မှာဖြစ်နေပြီလားဆိုတာ တိုက်ကြည့်ပြီး စိတ်ဖိစီးမှုရှိ၊ မရှိ စစ်ဆေးလိုက်ပါနော်။
-
မိုဘိုင်းဂိမ်းတွေ ကစားခြင်းကြောင့် မထင်မှတ်ဘဲ ရရှိလာနိုင်မယ့် အကျိုးကျေးဇူးများ
တိုးတက်ပြောင်းလဲနေတဲ့ ဒီနေ့ခေတ်ကြီးမှာ လူတိုင်းနီးပါး ဖုန်းတွေ ကိုင်နေနိုင်ပြီဖြစ်သလို ဖုန်းထဲမှာ ဆော့ကစားနိုင်တဲ့ မိုဘိုင်းဂိမ်းတွေဟာလည်း လူတွေကြားထဲမှာ ခေတ်စားလာပြီပဲ ဖြစ်ပါတယ်။ လူကြီးမိဘတော်တော်များများကတော့ ကိုယ်တွေဖုန်းဂိမ်း ထိုင်ဆော့နေတဲ့ အချိန်တွေမှာ တစ်နေကုန် ဒီဖုန်းပဲ ပွတ်နေတာပဲ၊ အဲဒီအရည်မရအဖတ်မရ ဂိမ်းပဲဆော့နေကြ အစရှိသဖြင့် ဆူငေါက်တဲ့ အခိုက်အတန့်တွေကို လူငယ်အကုန်လုံးနီးပါး ခံစားဖူးကြမှာပါ။
တကယ်တမ်းတော့ တစ်နေကုန်တစ်နေခန်း ဘာမှမစား၊ မလှုပ်မယှက်နဲ့ ဂိမ်းကစားနေတတ်တဲ့ လူမျိုးကလွဲလို့ အချိန်တစ်ခုသတ်မှတ်ပြီး မိုဘိုင်းဂိမ်းဆော့ကစားတဲ့လူမျိုးတွေဟာ ကျန်းမာရေးရှုထောင့်က ကြည့်မယ်ဆိုရင် ရရှိနိုင်တဲ့ ကျန်းမာရေးအားသာချက်တွေဆိုတာ ရှိပါတယ်။ ဒါ့ကြောင့် ဒီနေ့မှာတော့ မိုဘိုင်းဂိမ်းတွေဆော့ခြင်းကြောင့် ရရှိနိုင်မယ့် အကျိုးကျေးဇူး တွေကို ပြောပြပေးသွားချင်ပါတယ်။
၁။ စိတ်ခံစားချက်ကို ထက်သန်စေပါတယ်
pixabay/DariuszSankowski မိုဘိုင်းဂိမ်းအများစုဟာ Level တစ်ခုပြီးတစ်ခု ဒါမှမဟုတ် mission တွေကျော်ဖြတ်ရတဲ့ ပုံစံမျိုးနဲ့ တည်ဆောက်ထားတဲ့ ဂိမ်းအမျိုးအစားတွေ ဖြစ်ပါတယ်။ အဲဒီလို ကျော်ဖြတ်ဖို့ ကြိုးစားတဲ့အခါမျိုးတွေ ဒါမှမဟုတ် ဂိမ်းထဲမှာ survive ဖြစ်ဖို့ ကြိုးစားရတဲ့ အခါမျိုးတွေမှာ ကိုယ့်ရဲ့ စိတ်ထဲမှာ ဒီဂိမ်းကို နိုင်အောင်ဆော့ချင်တဲ့ စိတ်တွေ တစ်နည်းအားဖြင့် စိတ်အားထက်သန်မှုတွေဆိုတာ ဖြစ်လာစမြဲပါပဲ။
၂။ ဦးနှောက်ကို အလုပ်လုပ်ပေးပြီး ဉာဏ်ကောင်းစေပါတယ်
ဂိမ်းတစ်ခုကို ကစားတိုင်းမှာ ဦးနှောက်က အဓိက အလုပ်လုပ်ပေးပါတယ်။ အထူးသဖြင့် မိုဘိုင်းဂိမ်းတွေကို ဆော့ကစားတဲ့ အချိန်တွေမျိုးမှာဆိုရင် ဦးနှောက်ရဲ့ လုပ်ဆောင်ချက်တွေက မပါမဖြစ်ပါပဲ။ ဒီဂိမ်းကို ငါဘယ်လိုနိုင်အောင် ဆော့ရမလဲ၊ ဘယ်လိုမျိုး အကွက်နဲ့ ဆော့ရမလဲ၊ ရန်သူကို ဘယ်လိုသတ်ရမလဲ အစရှိသဖြင့် တွေးတောပြီး ဆော့ကစားရတဲ့ ဂိမ်းတွေဖြစ်တာကြောင့် စဉ်းစားပါများလေ၊ ဉာဏ်ကောင်းလေပါပဲ။
၃။ အသက်အရွယ် အပိုင်းအခြားမရွေး ဆော့ကစားနိုင်ပါတယ်
မိုဘိုင်းဂိမ်း အများစုဟာ လူငယ်တွေသာမက လူကြီးတွေပါ ဆော့ကစားနိုင်တဲ့ ဂိမ်းတွေပဲ ဖြစ်ပါတယ်။ ဥပမာ- Candy Crush လို ဂိမ်းမျိုးဆိုရင် လူကြီးတွေ အရမ်းကြိုက်နှစ်သက်ကြတဲ့ ဂိမ်းတွေပါပဲ။ သေချာစဉ်းစားကြည့်မယ်ဆိုလည်း မိုဘိုင်းဂိမ်းတော်တော်များများဟာ လူကြီးလူငယ်မရွေး အလွယ်တကူ download ဆွဲပြီး ဆော့ကစားနိုင်တဲ့ ဂိမ်းတွေသာ ဖြစ်ပါတယ်။
၄။ လူမှုဆက်ဆံရေးကို ကောင်းစွာ မြှင့်တင်ပေးနိုင်ပါတယ်
pixabay/techvaran မိုဘိုင်းဂိမ်းတော်တော်များများဟာ တစ်ယောက်တည်း ဆော့ကစားနိုင်တဲ့ ဂိမ်းတွေ ရှိသလို အဖွဲ့နဲ့ ဆော့ကစားနိုင်တဲ့ ဂိမ်းတွေလည်း ရှိပါတယ်။ ဥပမာ- ဒီနေ့ခေတ်မှာ လူငယ်အများစု ဆော့ကစားနေတဲ့ Mobile Legends နဲ့ PUBG လို ဂိမ်းမျိုးဆိုရင် Teamwork ကောင်းမှ နိုင်တဲ့ ဂိမ်းတွေ ဖြစ်ပါတယ်။ ဒါ့ကြောင့် ဒီလိုမျိုး အသင်းအဖွဲ့နဲ့ ဆော့ကစားရတဲ့ ဂိမ်းမျိုးတွေဟာ ရေရှည်မှာ ကိုယ့်ရဲ့ ပေါင်းသင်းဆက်ဆံရေးကို မြှင့်တင်ပေးနိုင်မှာ အသေအချာပါပဲ။
-
ကျွန်းပေါ်ကနေ အသက်ရှင်လွတ်မြောက်ဖို့ ကြိုးစားကြမယ့် သူငယ်ချင်းတစ်စုရဲ့ဇာတ်လမ်း “Remember 15”
လျှို့ဝှက်သောကျွန်းငယ် (Remember 15) ထိုင်းဒရာမာဇာတ်လမ်းတွဲဟာ သည်းထိတ်ရင်ဖို ဒရာမာအမျိုးအစားဖြစ်ပြီး Yod Chiangmun Ngamkanokwan, Lalil Kittitanaphan, Naphat Chitveerapat နဲ့ Baison Jinatcha Maneesriwong တို့က ဇာတ်ညွှန်းရေးသားထားကြကာ ဒါရိုက်တာ Pai Ekkapop Paiaree က ရိုက်ကူးပုံဖော်ထားတာ ဖြစ်ပါတယ်။
pinterest.com ဒီဇာတ်လမ်းတွဲတွင် သရုပ်ဆောင်တွေအနေနဲ့ မင်းသမီး Ray Venita Loywattanakul, Sairung Prapakon Chairak, Pure Purewarin Kosiriwalanon, Nut Theerarat Wongchuen, Kaimuk Nilawan Iamchuasawad, Pinomyim Thanchanok Pakarat, Noon Khingkarn Boonma, မင်းသား Zee Pruk Panich, Tommy Sittichok Pueakpoolpol, Jimmy Karn Kritsanaphan, Ace Chitsanupong Sakunnanthiphat, Title Tanatorn Saenangkanikorn နဲ့ Boss Daranpope Charmpoonod စတဲ့ သရုပ်ဆောင်များစွာက ပါဝင်ထားကြပါတယ်။
pinterest.com လွန်ခဲ့တဲ့ငါးနှစ်က ကိုယ့်ကိုယ်ကိုသတ်သေခဲ့တယ်လို့ အများကယူဆထားကြတဲ့ ကျောင်းရဲ့ကြယ်ပွင့် Lyla ဆီကနေ ‘အားလုံးကိုလွမ်းတယ် ဒီကျွန်းမှာပြန်ဆုံကြမလား’ ဆိုတဲ့ ပဟေဠိဆန်တဲ့ မက်ဆေ့ချ်ဟာ သူမရဲ့အထက်တန်းကျောင်းသူဟောင်းတွေ၊ စီနီယာတွေနဲ့ သူမရဲ့ညီမဖြစ်သူဆီကိုပါ ပေးပို့လာခဲ့ပါတယ်။ သေဆုံးသွားခဲ့တာကြာပြီဖြစ်တဲ့ သူမဟာ ဒီစာကိုဘယ်လိုမျိုးပို့လဲဆိုတာကို အားလုံးက အံ့သြနေခဲ့ကြပါတယ်။
youtube.com မက်ဆေ့ချ်လက်ခံရရှိတဲ့သူ 12 ယောက်ဟာ လွန်ခဲ့တဲ့ငါးနှစ်က Lyla သေဆုံးသွားခဲ့တဲ့နေရာဖြစ်တဲ့ သဲကန္တာရကျွန်းလေးကို တစ်ခေါက်ပြန်လာခဲ့ကြပါတယ်။ သူတို့လက်ခံရရှိခဲ့တဲ့ ဒီမက်ဆေ့ချ်ကို ဘယ်သူပေးပို့လဲဆိုတဲ့ အမှန်တရားကိုရှာဖွေဖို့ ရောက်ရှိလာခဲ့ကြပေမယ့် အမှန်တရားနဲ့ပိုနီးကပ်လာလေလေ သူတို့ရဲ့ရက်စက်ကြမ်းကြုတ်တဲ့အတိတ်ကို တွေ့ရှိလာလေလေပဲ ဖြစ်ပါတယ်။ သူငယ်ချင်းလို့ သတ်မှတ်ထားတဲ့ ဒီလူတွေရဲ့ မှောင်မိုက်တဲ့လျှို့ဝှက်ချက်တွေက ဒီသဲကန္တာရကျွန်းတွင် ထိတ်လန့်ဖွယ်သွေးထွက်သံယို မြင်ကွင်းတွေနဲ့ ကြုံတွေ့ဖို့ဖြစ်လာခဲ့ပါတယ်။ သူတို့တွေဆီမှာ ဘယ်လိုလျှို့ဝှက်ချက်တွေ ရှိနေခဲ့တာလဲ။ သူတို့ ဒီကျွန်းပေါ်ကနေ အသက်ရှင်လျက်နဲ့ လွတ်မြောက်နိုင်ပါ့မလားဆိုတာကို ကြည့်ရှုရမယ့် ဇာတ်လမ်းတွဲကောင်းတစ်ခုပဲ ဖြစ်ပါတယ်။
လျှို့ဝှက်သောကျွန်းငယ် (Remember 15) သည်းထိတ်ရင်ဖို ထိုင်းဒရာမာဇာတ်လမ်းတွဲကို https://www.viu.com/ott/mm/mya/all/ တွင် ဝင်ရောက်ကြည့်ရှုနိုင်ပါတယ်။
Home Home