Home

Tian Xiao Ni ဟာ အလုပ်လုပ်ရာမှာ စေ့စပ်သေချာမှုရှိပြီး ကြိုးစားလိုစိတ်ရှိကာ သူမ လိုချင်တဲ့အရာအပေါ် အာရုံစူးစိုက်စွာလုပ်ဆောင်တတ်ခြင်းကြောင့် သူမရဲ့အသက်မွေးဝမ်းကျောင်းအလုပ်တွင် ထိပ်ဆုံးမှာရပ်တည်နေနိုင်တဲ့ ဖက်ရှင်ဒီဇိုင်နာတစ်ဦး ဖြစ်ပါတယ်။ သူမဟာ ‘Perfect Self + Perfect Other Half = Happy Life’ ဆိုတဲ့ ဆောင်ပုဒ်ဖြင့် သူမရဲ့ဘဝကို နေထိုင်နေတာဖြစ်ပါတယ်။ ဒါပေမဲ့ သူမရဲ့စံချိန်စံနှုန်းတွေနဲ့ ကိုက်ညီတဲ့သူမျိုးကို မတွေ့နိုင်သေးတာကြောင့် သူမရဲ့လှပမှု၊ အရည်အချင်းတွေကြားမှာ သူမဟာတစ်ကိုယ်တည်းဘဝ ဖြစ်နေခဲ့ပါတယ်။

Zhan Wang နဲ့တွေ့တဲ့အခါမှာတော့ သူမရဲ့ပြီးပြည့်စုံတဲ့ တစ်စုံတစ်ယောက်ကို ရှာတွေ့ပြီလို့ထင်မိတာကြောင့် သူ့ကိုဆွဲဆောင်ဖို့ ကြိုးစားခဲ့ပါတယ်။ Zhan Wang ဟာ ပရော်ဖက်ရှင်နယ် ပြိုင်ကားမောင်းသူတစ်ဦးဖြစ်ပြီး သူ့အသက်မွေးဝမ်းကျောင်းရဲ့ အထွတ်အထိပ်ကိုရောက်နေတဲ့အချိန်မှာ ရုတ်တရက်ရပ်တန့်လိုက်ပြီး အခုအခါမှာတော့ သူငယ်ချင်းတစ်ဦးအား auto body shop စီမံခန့်ခွဲရာတွင် ကူညီပေးနေခဲ့တာ ဖြစ်ပါတယ်။ စစ်မှန်တဲ့ချစ်ခြင်းမေတ္တာက သူမရဲ့စံပြသတ်မှတ်ချက်တွေနဲ့ ကိုက်ညီဖို့မဖြစ်နိုင်ကြောင်းကို Xiao Ni တစ်ယောက် နားလည်လာနိုင်ပါ့မလားဆိုတာကို ကြည့်ရှုရမှာပဲဖြစ်ပါတယ်။

‘ရွှေဖူးစာရှာပုံတော်’ အချစ်ဒရာမာဇာတ်လမ်းတွဲကို Gui Gan က ဇာတ်ညွှန်းရေးသားထားပြီး မင်းသမီး Tong Yao, Cindy Sun, Viola Mi, Yu Xin He, မင်းသား Qiao Ren Liang, Liu Tian Zuo နဲ့ အခြားသရုပ်ဆောင်များစွာက ပါဝင်ထားကြတာ ဖြစ်ပါတယ်။ ‘ရွှေဖူးစာရှာပုံတော်’ အချစ်ဒရာမာဇာတ်လမ်းတွဲကို https://www.viu.com/ott/mm/mya တွင် မြန်မာစာတန်းထိုးဖြင့် ဝင်ရောက်ကြည့်ရှုလိုက်ပါ။

သမားတော်တစ်ဦးဖြစ်တဲ့ Yoo Se Poong ဟာ အရမ်းကိုထက်မြက်တဲ့စွမ်းရည်တွေဖြင့် နန်းတော်တွင် လူသိများတဲ့သူတစ်ယောက် ဖြစ်ပါတယ်။ ဒါပေမဲ့ တော်ဝင်မိသားစုကိုဆန့်ကျင်တဲ့ ပူးပေါင်းကြံစည်မှုတွင် ပါဝင်ပတ်သက်တယ်လို့ ပေါ်ပေါက်ခဲ့ပြီးနောက်မှာတော့ နန်းတွင်းမှနှင်ထုတ်ခံလိုက်ရပါတယ်။ အဲဒီနောက်မှာတော့ သူဟာ ထူးဆန်းပြီးလှပတဲ့ Gyesu ရွာလေးတွင် သူ့ရဲ့ဘဝနဲ့အလုပ်ကို ပြန်လည်စတင်ဖို့ ဖြစ်လာခဲ့ပါတယ်။

အဲဒီမှာ Yoo Se Poong ဟာ ဒေါသကြီးပေမဲ့ ရွှေရောင်နှလုံးသားပိုင်ရှင် သမားတော်ဟောင်း Kye Jin Han နဲ့ တွေ့ဆုံခဲ့ပါတယ်။ ဒီတွေ့ဆုံမှုတွင် Kye Jin Han က ငယ်ရွယ်တဲ့သမားတော်လေး Yoo Se Poong ကို စိတ်နှလုံးကိုကုသပေးနိုင်တဲ့သူအဖြစ် ပြောင်းလဲပေးခဲ့တာ ဖြစ်ပါတယ်။ နောက်ထပ်ရွာတွင်နေထိုင်တဲ့ ရွာသူလေး Seo Eun Woo က ဆွေကြီးမျိုးကြီးမှ ဆင်းသက်လာသူတစ်ယောက်ဖြစ်ပြီး အခုအချိန်မှာတော့ သူမဟာ မုဆိုးမတစ်ယောက်ဖြစ်လို့နေပါတယ်။

‘ပြည်သူ့သမားတော်လေး’ ဒရာမာဇာတ်လမ်းတွဲဟာ လျှို့ဝှက်ဆန်းကြယ် ဆေးဘက်ဆိုင်ရာ နန်းတွင်းအချစ်ဒရာမာ ဇာတ်လမ်းတွဲဖြစ်ပြီး Lee Bom က ဇာတ်ညွှန်းရေးသားထားကာ ဒါရိုက်တာ Park Won Gook နဲ့ Kang Hee Ju တို့က ရိုက်ကူးထားတာ ဖြစ်ပါတယ်။ သရုပ်ဆောင်တွေအနေနဲ့ Kim Min Jae, Kim Hyang Gi, Kim Sang Kyung, Yoo Sung Joo, Jung Won Chang, Kim Soo An နဲ့ အခြားသရုပ်ဆောင်များစွာက ပါဝင်ထားကြတာ ဖြစ်ပါတယ်။ ‘ပြည်သူ့သမားတော်လေး’ ဒရာမာစီးရီးကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

‘အတိတ်ရဲ့နေ့စွဲများ’ တရုတ်ဒရာမာဇာတ်လမ်းတွဲကို ဇာတ်ညွှန်း Gao Xuan နဲ့ Ren Bao Ru တို့က ရေးသားထားပြီး ဒါရိုက်တာ Chung Shu Kai က ရိုက်ကူးပုံဖော်ထားတဲ့ သိပ္ပံအချစ်ဒရာမာ အမျိုးအစားဖြစ်ပါတယ်။ စာရေးဆရာမ Sui Huo Zhu ရဲ့အမည်တူဝတ္ထုကို အခြေခံထားတဲ့ ဒီဇာတ်လမ်းတွဲတွင် မင်းသမီး Tiffany Tang, Coco Lyu, Lan Ying Ying, Zhou Qi Qi, မင်းသား Shawn Dou, Yang Shuo နဲ့ အခြားသရုပ်ဆောင်များစွာက ပါဝင်ထားကြတာ ဖြစ်ပါတယ်။

မတော်တဆမှုတစ်ခုကြောင့် အသက် 31 နှစ်အရွယ် Shi Jian ဟာ ကိုမာဝင်သွားခဲ့ပြီး သူမရဲ့အိပ်မက်ထဲတွင် သူမဟာ တက္ကသိုလ်ကျောင်းတက်တဲ့ နေ့တွေဆီသို့ ပြန်ရောက်သွားခဲ့တာဖြစ်ကာ သူမရဲ့အနာဂတ်ခင်ပွန်း Ye Jia Cheng နဲ့တွေ့ဆုံတဲ့ နောက်ထပ်ဇာတ်လမ်းတစ်ပုဒ်ကို စတင်ခဲ့ပါတယ်။ Shi Jian ဟာ သူမရဲ့ခင်ပွန်း Yi Jia Cheng ဆီသို့ အလည်သွားတဲ့လမ်းတွင် ကုန်သွယ်ရေးလုပ်ငန်းပိုင်ရှင် Yi Pei နဲ့ တွေ့ဆုံခဲ့တာပါ။ လမ်းခရီးတွင် သူမတို့စီးလာတဲ့လေယာဉ်ဟာ ရာသီဥတုဆိုးရွားမှုဒဏ်နဲ့ ကြုံတွေ့ရပြီးနောက် Shi Jian သတိမေ့မြောသွားခဲ့တာ ဖြစ်ပါတယ်။

အဲဒီနောက်မှာတော့ Shi Jian က လွန်ခဲ့တဲ့ဆယ်နှစ်ခန့်က တက္ကသိုလ်ကျောင်းသူဘဝကို ပြန်ရောက်သွားခဲ့ပြီး ဒီအချိန်မှာတော့ သူမက မိခင်ရဲ့ရောဂါကို စောစီးစွာကုသနိုင်ဖို့ လုပ်ဆောင်ခဲ့ကာ အနာဂတ်ခင်ပွန်းလောင်း Yi Jia Cheng နဲ့ တွေ့ဆုံမဲ့အချိန်ကို ရွှေ့ဆိုင်းဖို့ဆုံးဖြတ်လိုက်တာ ဖြစ်ပါတယ်။ ဒီအချိန်ကာလအတွင်းမှာ Yi Pei က Shi Jian ကို ချစ်မိသွားခဲ့တာပါ။ Shi Jian ဟာ စမ်းသပ်မှုများစွာကို ကြုံတွေ့ရကာ ပျော်ရွှင်မှုကို သူမဆုပ်ကိုင်ထားနိုင်ခဲ့ပေမဲ့ ကြေကွဲဖွယ်မတော်တဆမှုက အရာအားလုံးကိုပြိုကျပျက်စီးရန် ခြိမ်းခြောက်ခဲ့ပါတယ်။ Shi Jian က သူမရဲ့ပျော်ရွှင်မှုတွေကို ဆက်လက်ထိန်းသိမ်းထားနိုင်ဖို့ အချိန်ကာလတွေကို ချိုးဖျက်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။ ‘အတိတ်ရဲ့နေ့စွဲများ’ ဒရာမာဇာတ်လမ်းတွဲကို https://www.viu.com/ott/mm/mya တွင် ကြည့်ရှုခံစားလိုက်ပါ။

စာရေးဆရာကြီး Devaki Nandan Khatri ရဲ့ 1888 ခုနှစ်က အမည်တူဝတ္တုကို အခြေခံထားတဲ့ ‘မှော်စွမ်းအားရှင်’ အိန္ဒိယဒရာမာဇာတ်လမ်းတွဲကို Ranjan Kumar Singh က ရိုက်ကူးပုံဖော်ထားပြီး Madhurima Tuli, Urvashi Dholakia, Vishal Aditya Singh, Shaad Randhawa, Surjit Saha နဲ့ Devoleena Bhattacharjee တို့က အဓိကပါဝင် သရုပ်ဆောင်ထားကြပါတယ်။

မင်းသမီး Chandrakanta Jai Singh ဟာ အရှင်ဗိဿနိုးရဲ့ အစွမ်းထက်ဆုံးဓားမြှောင်ကို ပိုင်ဆိုင်ထားသူ Ratnaprabha မှ မွေးဖွားလာသူဖြစ်ပါတယ်။ မကောင်းဆိုးဝါး မိဖုရားကြီး Iravati Singh က ကမ္ဘာကြီးကိုအုပ်စိုးပြီး Vijaygarh ကို အနိုင်ယူနိုင်ဖို့ ဒီဓားမြှောင်ကို လိုချင်နေခဲ့တာပါ။ Ratnaprabha ဟာ ဓားမြှောင်ကို ဘယ်သူမှမသိအောင် ဘုရားကျောင်းတစ်ခုတွင် သိမ်းဆည်းထားခဲ့ပြီး 21 နှစ်ကြာတဲ့အခါ Chandrakanta ကို လွှဲပြောင်းပေးဖို့စီစဉ်ထားခဲ့တာ ဖြစ်ပါတယ်။

အချိန်တွေကြာသွားသည့်တိုင်အောင် Iravati က ဓားကိုရှာဖွေနေခဲ့သလို သူ့ရဲ့လင်ပါသား Veer ကလည်း Suryagarh Kingdom ကို သိမ်းပိုက်ဖို့ ကြံစည်နေခဲ့တာ ဖြစ်ပါတယ်။ ဆင်းရဲတဲ့ဇနီးမောင်နှံဆီမှာ ကြီးပြင်းလာခဲ့ရတဲ့ Chandrakanta ဟာ ဓားမြှောင်ကိုရရှိခဲ့ပေမဲ့ ဒီဓားမှာ ဘယ်လိုအစွမ်းတွေရှိတယ်ဆိုတာကို မသိခဲ့ပါဘူး။ Veer က Suryagarh သို့ ရောက်ရှိလာပြီး Chandrakanta ကို လက်စားချေဖို့ကြိုးစားခဲ့ပေမဲ့လည်း နောက်ဆုံးမှာ ချစ်မိသွားခဲ့ကြပါတယ်။ ဒါပေမဲ့ သူတို့ရဲ့အချစ်ရေးကို Iravati က အောင်မြင်စွာဖျက်ဆီးနိုင်ခဲ့ပြီး Veer က ထင်မှတ်မထားတဲ့အချိန်မှာ Chandrakanta ကို ဓားမြှောင်နဲ့ထိုးလိုက်တာ ဖြစ်ပါတယ်။ သူအပါအဝင် Iravati နဲ့ အပေါင်းအပါတွေက သူမကိုရက်ရက်စက်စက် သတ်ပစ်ခဲ့ကြပြီးနောက် သူမဟာ ချောက်ကမ်းပါးအောက်ကို ပြုတ်ကျသွားခဲ့ပါတယ်။

ချစ်သူရဲ့သစ္စာဖောက်ခြင်းကိုခံလိုက်ရတဲ့ Chandrakanta ရဲ့ဘဝက တကယ်ပဲအဆုံးသတ်သွားခဲ့ပြီလား၊ ဓားမြှောင်ကိုပိုင်ဆိုင်သွားတဲ့ Iravati က ဘယ်လိုလုပ်ရပ်တွေကို ကျူးလွန်တော့မှာလဲ၊ သူမရဲ့ချစ်သူကရော သူမကိုတကယ် ချစ်ခဲ့တာရော ဟုတ်ရဲ့လားဆိုတာကို ကြည့်ရှုရမဲ့ ဇာတ်လမ်းတွဲကောင်းတစ်ခုပဲ ဖြစ်ပါတယ်။ ‘မှော်စွမ်းအားရှင်’ သဘာဝလွန် အိန္ဒိယဒရာမာဇာတ်လမ်းတွဲကို https://www.viu.com/ott/mm/mya တွင် ကြည့်ရှုလိုက်ပါ။

လုပ်ငန်းစုကြီးတစ်ခုရဲ့ ဥက္ကဋ္ဌ Feng Teng ရဲ့ ညီမဖြစ်သူဟာ အရမ်းကိုရှားပါးတဲ့ သွေးအမျိုးအစားဖြင့် သွေးသွင်းရန်လိုအပ်တဲ့ အခြေအနေနဲ့ ရင်ဆိုင်နေရတာဖြစ်ပါတယ်။ အဲဒီနောက်မှာတော့ Feng Teng ဟာ သူ့ကုမ္ပဏီရဲ့ဝန်ထမ်းတွေထဲမှာ ညီမဖြစ်သူနဲ့သွေးအမျိုးအစားတူညီတဲ့ Xue Shan Shan ကို တွေ့ရှိခဲ့ပြီးနောက် သူမကို သွေးလှူဒါန်းပေးရန် တောင်းဆိုခဲ့ပါတယ်။

သူတို့မောင်နှမဟာ Shan Shan အပေါ် ကျေးဇူးကြွေးတင်နေတာကို Feng Teng က ငွေဖြင့်ကျေးဇူးဆပ်မဲ့အစား သူမကိုအဟာရရှိတဲ့ နေ့လယ်စာတွေပို့ပေးပြီး သွေးအားပြန်ကောင်းလာဖို့ လုပ်ဆောင်ပေးခြင်းက ပိုကျေးဇူးတင်စေမှာဖြစ်ကြောင်း Feng Teng ရဲ့ညီမဖြစ်သူက အကြံပေးခဲ့ပါတယ်။ Shan Shan က အစားစားရတာကို ကြိုက်တဲ့သူဖြစ်တာကြောင့် နေ့လယ်စာကို သဘောကျခဲ့တာပါ။ သူမရဲ့တောက်ပတဲ့ ပင်ကိုစရိုက်နဲ့ ချစ်စရာကောင်းမှုတွေကြောင့် Feng Teng ရဲ့နှလုံးသားက တဖြည်းဖြည်းအရည်ပျော်ကျလာခဲ့ပါတယ်။

‘ချစ်သူ့နေ့လယ်စာ’ တရုတ်ဒရာမာဇာတ်လမ်းတွဲကို Gu Man နဲ့ Jin Guo Dong တို့က ဇာတ်ညွှန်းရေးသားထားပြီး ဒါရိုက်တာ Liu Jun Jie က ရိုက်ကူးပုံဖော်ထားပါတယ်။ ဒီအချစ်ဒရာမာ ဇာတ်လမ်းတွဲတွင် မင်းသမီး Zhao Li Ying, Li Cheng Yuan, Zhang Yang Guo Er, မင်းသား Zhang Han, Huang You Ming နဲ့ Bai Ke Li တို့က ပါဝင်သရုပ်ဆောင်ထားကြပါတယ်။ ‘ချစ်သူ့နေ့လယ်စာ’ ဇာတ်လမ်းတွဲလေးကို https://www.viu.com/ott/mm/mya တွင် ကြည့်ရှုခံစားနိုင်ပါတယ်။

‘သဘာဝရဲ့ဥယျာဉ်မှူး’ ဟောင်ကောင်ဒရာမာ ဇာတ်လမ်းတွဲဟာ Lawrence Cheng, Stanley Yau, Frankie Chan, Hedwig Tam, Shirley Sham, Sam Chan နဲ့ အခြားသရုပ်ဆောင်များစွာက ပါဝင်ထားတဲ့ လူငယ်ဒရာမာ အမျိုးအစားဖြစ်ပါတယ်။

ဇာတ်လမ်းပုံစံက အရှုပ်အရှင်းတစ်ခုကြောင့် နာမည်ကြီးဆရာ Pak ဟာ သူတည်ထောင်ခဲ့တဲ့ ကျောင်းကနေ နှင်ထုတ်ခံလိုက်ရပါတယ်။ ဒီအခြေအနေဆိုးတွေနဲ့အတူ တစ်ချိန်တည်းမှာပဲ သူ့ရဲ့ဇနီးဖြစ်သူကပါ သူ့ကိုကွာရှင်းချင်ခဲ့တာပါ။ သူ့ရဲ့ဘဝကို ပြန်ကြည့်မိတဲ့အချိန်မှာ Pak ဟာ သူမျက်နှာချင်းမဆိုင်ချင်တဲ့ သူ့ရဲ့ဖခင် Ho အကြောင်းကို စဉ်းစားမိလာခဲ့ပါတယ်။

Ho ဟာ ပညာရေးနယ်ပယ်တွင် ဂန္ထဝင်ပုဂ္ဂိုလ်တစ်ဦးဖြစ်သလို Nature မူလတန်းကျောင်းကို တည်ထောင်ခဲ့သူလည်း ဖြစ်ပါတယ်။ ဒီကျောင်းဟာ ကျေးလက်ဒေသတွင်တည်ရှိပြီး Pak အပါအဝင် သူ့ရဲ့ကျောင်းသားတိုင်းကို သဘာဝနှင့်ချိတ်ဆက်ကာ ရိုးရှင်းတဲ့ဘဝဖြင့်နေထိုင်ရန် လှုံ့ဆော်ပေးခဲ့တာဖြစ်ပါတယ်။ Pak ဟာ သဘာဝတရားနဲ့ထိတွေ့ပြီး ကြီးပြင်းလာခဲ့ပေမဲ့ သူ့ရဲ့ဖခင်အတွက် ဘယ်တုန်းကမှ ဂုဏ်ယူဝင့်ကြွားမှုမရှိခဲ့ပါဘူး။ ဖခင်ဖြစ်သူက သူ့ရဲ့အမေဟာ နာမည်ကြီးမင်းသမီးတစ်ယောက်ဖြစ်ကြောင်း ပြောပြလိုက်တဲ့အချိန်မှာ Pak ဟာ မိခင်ကိုရှာဖွေဖို့ မြို့ပေါ်သို့သွားခဲ့ပါတယ်။

ဒါပေမဲ့ ဒါဟာ Pak က ဖခင်ဖြစ်သူကို လိမ်ညာခြင်းသာဖြစ်ပြီး သူဟာကျေးလက်ဘဝမှထွက်ခွာရန် ဆုံးဖြတ်ခဲ့ပါတယ်။ နောက်ပိုင်းတွင်သူဟာ ဖခင်ဖြစ်သူနဲ့လုံးဝခြားနားတဲ့ လမ်းကြောင်းတစ်ခုကို လျှောက်လှမ်းခဲ့ပြီး သူ့ရဲ့အချစ်ဆုံးသူငယ်ချင်း Tong နှင့် ကျူတိုရီရယ်ကျောင်းတစ်ခုကို တည်ထောင်ခဲ့ပါတယ်။ ‘သဘာဝရဲ့ဥယျာဉ်မှူး’ ဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

Daloy Himig ဟာ ကပ်ရောဂါစတင်ဖြစ်ပွားချိန် နိုင်ငံတစ်ဝှမ်းတွင် quarantine protocol တွေချမှတ်လိုက်တာကြောင့် စခန်းချသူတွေရှိတဲ့ Balay တွင် ပိတ်မိနေခဲ့တာ ဖြစ်ပါတယ်။ သူတို့တွေထဲမှာ ကွဲကွာနေခဲ့တဲ့ အခင်ဆုံးသူငယ်ချင်း Laura နဲ့ Sab တို့လည်း ရှိနေခဲ့တာပါ။ သူတို့တွေက Iggy, Tugs, Leigh စတဲ့သူတွေနဲ့ မြန်မြန်ဆန်ဆန်ရင်းနှီးကာ သူငယ်ချင်းတွေဖြစ်လာခဲ့ကြပြီး ဆရာ Nikolas နဲ့ Annette တို့နဲ့အတူ သူတို့ဘဝရဲ့ဇာတ်လမ်းတွေကို စတင်ဖို့ဖြစ်လာခဲ့ပါတယ်။

သီချင်းနဲ့စင်မြင့်တွေကနေတစ်ဆင့် သူတို့ရဲ့အသံကို ကမ္ဘာကြီးကိုချပြနိုင်ဖို့ ပြင်းထန်တဲ့စိတ်အားထက်သန်မှုနဲ့ မျှော်လင့်ချက်တွေဖြင့် ကြိုးစားခဲ့ကြပါတယ်။ ‘သံစဉ်တွေနဲ့နေ့သစ်များ’ ဇာတ်လမ်းတွဲလေးဟာ လူငယ်တွေရဲ့ ပေါ့ပါးလွတ်လပ်မှု၊ စိတ်အားထက်သန်မှု၊ ပျော်ရွှင်ဖွယ်ဘဝနဲ့ သူတို့ရဲ့ကြိုးစားအားထုတ်မှုတွေကို တွေ့မြင်ရမှာပဲ ဖြစ်ပါတယ်။

ဒီဖိလစ်ပိုင် ဇာတ်လမ်းတွဲလေးမှာတော့ Julie Anne San Jose, Gab Pangilinan, Christian Bautista, Bituin Escalante, Abe Autea, Mike Shimamoto, Lance Reblando နဲ့ အခြားသရုပ်ဆောင်များစွာက ပါဝင်ထားကြတာ ဖြစ်ပါတယ်။ ဂီတဒရာမာဇာတ်လမ်းတွဲ ‘သံစဉ်တွေနဲ့နေ့သစ်များ’ ဒရာမာစီးရီးကို https://www.viu.com/ott/mm/mya တွင် ကြည့်ရှုခံစားလိုက်ပါ။

စိတ်ကူးယဉ် အချစ်ဒရာမာစီးရီး ‘အသစ်တစ်ဖန်စတင်ခြင်း’ မလေးရှားဒရာမာ ဇာတ်လမ်းတွဲဟာ ဘဝမှာရရှိလာတဲ့ ဒုတိယအခွင့်အရေးတွေအကြောင်းကို ရိုက်ကူးပုံဖော်ထားတာ ဖြစ်ပါတယ်။ ဇာတ်လမ်းပုံစံက အမြဲတမ်း အလုပ်တွေရှုပ်နေတတ်တဲ့ Senja နဲ့ Abi တို့စုံတွဲဟာ 2024 တွင် ပြုလုပ်ကျင်းပမဲ့ သူတို့ရဲ့မင်္ဂလာပွဲအတွက် ပြင်ဆင်နေကြတာ ဖြစ်ပါတယ်။ မင်္ဂလာဆောင်ရက် နီးလာတာနဲ့အမျှ သူတို့သက်ဆိုင်ရာဘဝတွေမှာ စိတ်ပင်ပန်းရှုပ်ထွေးမှုတွေ ဆက်တိုက်ဆိုသလို ဖြစ်ပေါ်လာခဲ့တာ ဖြစ်ပါတယ်။

Senja က သူ့ရဲ့အချစ်ဆုံးသူငယ်ချင်း သေဆုံးသွားခြင်းကြောင့် ဝမ်းနည်းကြေကွဲရရုံသာမက အလုပ်တွင်လည်း ဆိုးရွားတဲ့အခြေအနေနဲ့ ရင်ဆိုင်ခဲ့ရတာပါ။ တစ်ဖက်မှာလည်း သူမရဲ့မိဘတွေ ကွာရှင်းလိုက်ခြင်းရဲ့နောက်တွင် Abi တစ်ယောက် သူမကိုယ်တိုင် လက်ထပ်ရန်ဆုံးဖြတ်ထားမှုအပေါ် သံသယတွေရှိလာခဲ့ပါတယ်။ အဲဒီနောက်မှာတော့ Abi က သူမရဲ့မင်္ဂလာပွဲကို မတက်ရောက်ဖို့ ဆုံးဖြတ်လိုက်တာပါ။ သူတို့ရဲ့ဆက်ဆံရေးက ဒီနေရာမှာပဲ ရပ်တန့်သွားတော့မလား ဒါမှမဟုတ် သူတို့ကြုံတွေ့နေရတဲ့ ပြဿနာတွေကို ဖြေရှင်းဖို့ နည်းလမ်းရှိနိုင်ပါ့မလားဆိုတာကို ကြည့်ရှုရမှာဖြစ်ပါတယ်။

‘အသစ်တစ်ဖန်စတင်ခြင်း’ ဒရာမာစီးရီးကို ဒါရိုက်တာ Fajar Nugros က ရိုက်ကူးပုံဖော်ထားပြီး Maxime Bouttier, Audi Marissa, Marcell Darwin, Sonya Pandarmawan, Goddess Rezer, Dewi Irawan, Hesti Purwadinata, Verdi Solaiman နဲ့ အခြားသရုပ်ဆောင်များစွာက ပါဝင်ထားကြပါတယ်။ Viu original series ဖြစ်တဲ့ ‘အသစ်တစ်ဖန်စတင်ခြင်း’ ကို https://www.viu.com/ott/mm/mya တွင် ဝင်ရောက်ကြည့်ရှု ခံစားနိုင်ပါတယ်။

‘အမုန်းပန်းရဲ့ရာဇဝင်’ အချစ်ဒရာမာဇာတ်လမ်းတွဲကို ဇာတ်ညွှန်း Patty Phatphatson Warissaraphuricha နဲ့ Chert Sangsan Santimaneerat က ရေးသားထားပြီး ဒါရိုက်တာ Tanwarin Sukkhapisit က ရိုက်ကူးပုံဖော်ထားတာ ဖြစ်ပါတယ်။ သရုပ်ဆောင်တွေအနေနဲ့ Metinee Kingpayome, Sonia Couling, Perawat Sangpotirat, Sarunchana Apisamaimongkol, Atthaphan Phunsawat, June Wanwimol Jaenasavamethee, Patchata Janngeon, Duangdao Jarujinda နဲ့ Deuntem Salitul တို့က အဓိကပါဝင် သရုပ်ဆောင်ထားကြပါတယ်။

ဇာတ်လမ်းပုံစံက အချစ်ပြိုင်ဘက်နှစ်ယောက်ကြား နာကြည်းမှုတွေက သူတို့ရဲ့သားစဉ်မြေးဆက်တွေအထိ ကူးစက်သွားခဲ့ပြီး ဒီအမုန်းတရားတွေဟာ စစ်ပွဲကြီးတစ်ခုအဖြစ် ကြီးထွားလာခဲ့ပါတယ်။ Onnapa ဟာ နိုင်ငံတွင်း အကြီးဆုံးပန်းလုပ်ငန်းကို ပိုင်ဆိုင်တဲ့ သန်းကြွယ်သူဌေးကြီးရဲ့ အငယ်အနှောင်းမယား ဖြစ်ပါတယ်။ သူမဟာ ခင်ပွန်းဖြစ်သူရဲ့ တရားဝင်ဇနီး Kannika ရဲ့ ညှင်းပန်းနှိပ်စက်မှုအမျိုးမျိုးကို နှစ်ပေါင်းများစွာ ခံခဲ့ရတာပါ။  ခင်ပွန်းဖြစ်သူ ဆုံးပါးသွားတဲ့အချိန်မှာ Kannika ဟာ Onnapa နဲ့ သူမရဲ့သမီး Onsalao ကို အိမ်ကနေ မောင်းထုတ်လိုက်ပါတယ်။ ဆယ်စုနှစ်များစွာကြာသွားသည့်တိုင် Onnapa ဟာ သူမခံစားခဲ့ရတဲ့ မတရားမှုအတွက် ဒေါသတွေထွက်နေဆဲပါ။

Onsalao နဲ့ Kannika ရဲ့သမီး Thantawan တို့ဟာ မပြေနိုင်တဲ့အငြိုးတွေနဲ့ ရန်သူတွေဖြစ်လာခဲ့ကြပြီး သူတို့ရဲ့အမျက်ဒေါသတွေဟာ နှစ်တွေကြာတဲ့အထိ မပြေလျော့နိုင်ခဲ့ကြပါဘူး။ Onsalao နဲ့မတူတာက Thantawan ဟာ သူမရဲ့ခင်ပွန်းဟောင်း Cheewin နဲ့အတူ စီးပွားရေးမှာ အောင်မြင်နေသူတစ်ယောက် ဖြစ်ပါတယ်။ ဒါပေမဲ့ သူမဟာ အချစ်ရေးတွင် ကံမကောင်းသူဖြစ်ပြီး လက်ရှိခင်ပွန်းဖြစ်သူ Warut ဟာ လောင်းကစားစွဲနေသူဖြစ်ပြီး ပိုက်ဆံအတွက် စွန့်စားနေသူဖြစ်ပါတယ်။ Thantawan ဟာ သူမနဲ့အသက်အရမ်းကိုကွာတဲ့ Worakorn နဲ့ပတ်သက်နေပြီး ဒီကောင်လေးဟာ Onsalao ရဲ့ သားဖြစ်နေတယ်ဆိုတာကိုတော့ မသိခဲ့ပါဘူး။

Worakorn ဟာ Thantawan နဲ့ Cheewin တို့ရဲ့ တစ်ဦးတည်းသော သမီးဖြစ်သူ Mintra နဲ့ တွေ့ဆုံမိပြီး သူမဟာ သူ့ရဲ့သူဌေးဖြစ်ပေမဲ့ သူမကို Worakorn က မလေးစားပါဘူး။ Thantawan ဟာ Warut နဲ့ သူမရဲ့ကလေးတွေဖြစ်တဲ့ Nonsee နဲ့ Iris တို့ကို ဂရုမစိုက်ခဲ့ပါဘူး။ Iris က မိသားစုကိုပုန်ကန်ပြီး Onsalao ရဲ့အငယ်ဆုံးသားလေး Wech နဲ့အတူ ထွက်ပြေးသွားခဲ့ပါတယ်။ အဲဒီအချိန်မှာပဲ Onnapa နဲ့ Onsalao တို့သားအမိဟာ သူတို့ရဲ့ရန်ဘက်တွေကို တိုက်ခိုက်ဖို့ပြင်ဆင်ကြပြီး သူတို့ရသင့်ရထိုက်တဲ့အရာတွေကို ပြန်လည်ရယူဖို့ စီစဉ်ကြပါတော့တယ်။ လှည့်စားမှု၊ သစ္စာဖောက်မှုတွေနဲ့ပြည့်နှက်နေတဲ့ ဒီစစ်ပွဲက ဘယ်မှာအဆုံးသတ်မှာလဲ။ ‘အမုန်းပန်းရဲ့ရာဇဝင်’ အချစ်ဒရာမာစီးရီးကို https://www.viu.com/ott/mm/mya တွင် ကြည့်ရှုခံစားလိုက်ပါ။

ကိုရီးယားဒရာမာ ‘Flower of Evil’ ကို ပြန်လည်အခြေခံ ရိုက်ကူးထားတာဖြစ်ပြီး ‘အတိတ်ရဲ့နတ်ဆိုး’ ဖိလစ်ပိုင် ဒရာမာစီးရီးဟာ  မင်းသား Piolo Pascual နဲ့ မင်းသမီး Lovi Poe တို့က အဓိကပါဝင်သရုပ်ဆောင်ထားတဲ့ လျှို့ဝှက်ဆန်းကြယ်၊ သည်းထိတ်ရင်ဖို၊ မှုခင်း၊ မယ်လိုဒရာမာ အမျိုးအစားဖြစ်ပါတယ်။ ဒါ့အပြင် အခြားသရုပ်ဆောင်တွေအနေနဲ့ Agot Isidro, Rita Avila, Denise Laurel, Joross Gamboa, Joem Bascon နဲ့ သရုပ်ဆောင်များစွာက ပါဝင်အားဖြည့်ထားကြတာပါ။

ဇာတ်လမ်းပုံစံက Jacob ဟာ သူ့ရဲ့ဇနီး Iris မသိအောင် သူ့ရဲ့အတိတ်နဲ့ သရုပ်မှန်ကိုဖုံးကွယ်ထားသူဖြစ်ပြီး သူ့ရဲ့ဇနီးဟာ စုံထောက်တစ်ယောက်ဖြစ်ပါတယ်။ အပေါ်ယံတွင်တော့ သူတို့စုံတွဲဟာ ချစ်စရာကောင်းတဲ့ ဇနီးမောင်နှံဖြစ်ကာ လှပတဲ့ ခြောက်နှစ်အရွယ်သမီးလေးနဲ့အတူ ပြီးပြည့်စုံတဲ့မိသားစုတစ်စု ဖြစ်ပုံရပါတယ်။ ဒါပေမဲ့ Iris နဲ့ သူမရဲ့လုပ်ဖော်ကိုင်ဖက်တွေက ရှုပ်ထွေးတဲ့လူသတ်မှုတွေအကြောင်း စတင်စုံစမ်းဖို့ဖြစ်လာတဲ့အခါမှာတော့ သူမရဲ့ချစ်လှစွာသောခင်ပွန်းက သူမမသိအောင် တစ်စုံတစ်ခုကိုဖုံးကွယ်ထားကြောင်း အမှန်တရားကို သိလာရတာပါ။

ခင်ပွန်းဖြစ်သူ Jacob က Iris အပေါ် ဘာတွေဖုံးကွယ်ထားခဲ့တာလဲ၊ သူမဘဝရဲ့ အနီးကပ်ဆုံးသူဆီမှာ ဘယ်လိုလျှို့ဝှက်ချက်တွေ ရှိနေခဲ့တာလဲ၊ ဒီလူသတ်မှုတွေနဲ့ရော Jacob က ဆက်စပ်မှုရှိနေခဲ့တာလားဆိုတာကို စိတ်ဝင်စားဖွယ်ကြည့်ရှုရမဲ့ ဖိလစ်ပိုင်ဒရာမာ ဇာတ်လမ်းတွဲကောင်းတစ်ခု ဖြစ်ပါတယ်။ ‘အတိတ်ရဲ့နတ်ဆိုး’ သည်းထိတ်ရင်ဖို၊ မှုခင်းဒရာမာဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုခံစားနိုင်ပါတယ်။